என்னுடைய படத்தில் லிப்லாக் முத்தக் காட்சி வேண்டாம், ஃபேமிலி ஆடியன்ஸ் வரமாட்டார்கள் என்று சொன்னதற்கு, என்னிடம் விஜய் படத்தின் காட்சியை கூறி சமாதானம் செய்தார் இயக்குனர் என சமீபத்தில் பேட்டி அளித்த இயக்குனர் பிரதீப் ரங்கநாதன் தெரிவித்துள்ளார்.

பிரதீப் ரங்கநாதன் தற்போது ’டிராகன்’ மற்றும் ’லைஃப் இன்சூரன்ஸ் கம்பெனி’ ஆகிய இரண்டு படங்களில் நடித்து முடித்துள்ள நிலையில், ’டிராகன்’ படம் இம்மாத இறுதியில் வெளியாக உள்ளது. இந்த படத்திற்காக பல ஊடகங்களில் பிரதீப் ரங்கநாதன் பேட்டி அளித்து வரும் நிலையில், சமீபத்தில் பேட்டி அளித்த போது ஒரு கருத்தை தெரிவித்தார்.

"டிராகன் மற்றும் ’எல்.ஐ.கே’ ஆகிய இரண்டு படங்களிலும் லிப் லாக் முத்தக் காட்சி வேண்டாம் என்பதில் நான் உறுதியாக இருந்தேன். ஆனால் விக்னேஷ் சிவன் என்னிடம், ’அனிமல்’ என்ற படம் பார்த்தீர்கள் அல்லவா? அந்த படம் உலகம் முழுவதும் எவ்வளவு கலெக்ஷன் செய்திருக்கு தெரியுமா? ஃபேமிலி ஆடியன்ஸ் வராமல் அந்த படம் எப்படி இவ்வளவு கலெக்ஷன் செய்திருக்கும்? இப்போது எல்லாம் காலம் மாறிவிட்டது, ஃபேமிலி ஆடியன்ஸ் இதை பார்க்க விரும்புகிறார்கள்!" என்று கூறி என்னை சமாதானப்படுத்தினார்.

அதேபோல், ’டிராகன்’ படத்தின் முத்தக்காட்சி வேண்டாம் என நான் கூறியபோது, இயக்குனர் அஸ்வத் "லியோ’ படம் எவ்வளவு ஒரு மாஸ் நடிகரின் படம். அந்த படத்திலும் லிப் லாக் உள்ளது. அந்த படத்திற்கு மிக அதிகமான ஃபேமிலி ஆடியன்ஸ் கிடைத்தது. லிப் லாக் காட்சியை பொருத்தவரை, கதையோடு ஒன்றி இருந்தால், ஃபேமிலி ஆடியன்ஸ் அதை ஏற்று கொள்வார்கள்’ என்றும் அதன் பிறகு தான், கதைக்கு தேவை என்பதை உணர்ந்து, அந்த காட்சிகளில் நடிக்க சம்மதித்தேன் என்று பிரதீப் ரங்கநாதன் அந்த பேட்டியில் கூறியுள்ளார்.