இசைஞானி இளையராஜா கடந்த சில ஆண்டுகளுக்கு முன்பே ஆயிரம் படங்களுக்கு மேல் இசையமைத்துள்ளார் என்பது தெரிந்ததே. ஒரு படத்திற்கு சராசரியாக 5 பாடல்கள் என்று வைத்துக் கொண்டாலும் அவர் 5 ஆயிரம் பாடல்களுக்கு மேல் கம்போஸ் செய்துள்ளார் என்பது குறிப்பிடத்தக்கது. இந்த சாதனையை உலகின் வேறு ஒரு இசையமைப்பாளர் செய்வாரா என்பது சந்தேகமே என்று நெட்டிசன்கள் கூறி வருகின்றனர்

இந்த நிலையில் இளையராஜாவின் இசையமைக்கும் அடுத்த படம் குறித்த டைட்டில் வெளியாகியுள்ளது. ஆதிராஜன் என்பவர் இயக்கத்தில் உருவாகும் திரைப்படத்திற்கு ’நினைவெல்லாம் நீயடா’ என்ற டைட்டில் வைக்கப்பட்டுள்ளது. இந்த படம் இசைஞானி இளையராஜா இசையமைக்கும் 1417வது படம் என்பது குறிப்பிடத்தக்கது

இந்த படத்தில் நடிக்கும் நடிகர்கள் மற்றும் தொழில்நுட்ப கலைஞர்கள் தேர்வு செய்யப்பட்டு வருவதாகவும் விரைவில் இந்த படம் குறித்த முழு அறிவிப்பு வெளியாகும் என்றும் கூறப்படுகிறது

இசைஞானி இளையராஜா அவர்கள் இந்த ஆண்டு மட்டும் சுமார் 20 படங்களுக்கு இசையமைத்து வருகிறார் என்பதும் விரைவில் அவர் 1500வது படத்துக்கு இசையமைப்பார் என்றும் இசைஞானியின் ரசிகர்கள் வாழ்த்துக்களை தெரிவித்து வருகின்றனர்.