எல்லா துக்கத்திற்கும் ஒரு அளவு இருக்கு, ஆனா இதுக்கு அளவே இல்லை; இளையராஜா
- IndiaGlitz, [Friday,September 25 2020]
பிரபல பின்னணி பாடகர் எஸ்பி பாலசுப்பிரமணியம் அவர்கள் இன்று மதியம் 1:04 மணிக்கு காலமானார். அவருடைய மறைவுக்கு திரையுலகப் பிரபலங்கள் பலரும் இரங்கல் தெரிவித்து வரும் நிலையில் இசைஞானி இளையராஜா தனது நெருங்கிய நண்பர் எஸ்பிபி மறைவு குறித்து வீடியோ ஒன்றை வெளியிட்டுள்ளார்.
அந்த வீடியோவில் அவர் கூறியிருப்பதாவது: பாலு, சீக்கிரம் எழுந்து வா, உன்னை பார்க்க நான் காத்திருக்கிறேன் என்று நான் சொன்னேன். ஆனால் நீ கேட்கவில்லை. போய் விட்டாய். எங்கே போனாய்? கந்தர்வ லோகத்தில் பாடுவதற்காக போய்விட்டாயா?
இங்கே உலகம் ஒரு சூனியமாகி விட்டது. உலகத்தின் ஒன்றும் எனக்கு தெரியவில்லை. பேசுவதற்கு பேச்சு வரவில்லை, சொல்வதற்கு வார்த்தை வரவில்லை, என்ன சொல்வது என்று எனக்குத் தெரியவில்லை. எல்லா துக்கத்திற்கும் ஒரு அளவு இருக்கு, ஆனா இதுக்கு அளவே இல்லை’ என்று இளையராஜா உருக்கமாக அந்த வீடியோவில் கூறியுள்ளார்.
Isaignani #ilaiyaraaja அவரகளின் உருக்கமான பேச்சு!!#SPB #RIPSPBSir #RIPSPBalasubrahmanyam pic.twitter.com/mpM4HaYHpN
— PRO Kumaresan (@urkumaresanpro) September 25, 2020