close
Choose your channels

బాలు.. త్వరగా లేచిరా!  నీ కోసం కాచుకుని కూర్చున్నాను:  ఇళ‌య‌రాజా

Saturday, August 15, 2020 • తెలుగు Comments

గానగంధ‌ర్వుడు ఎస్‌.పి.బాల‌సుబ్ర‌హ్మ‌ణ్యం కోవిడ్ 19 కార‌ణంగా ఆగ‌స్ట్ 5న చెన్నై ఎంజీఎం హాస్పిట‌ల్‌లో జాయిన్ అయిన సంగ‌తి తెలిసిందే. ఈరోజు ఆయ‌న ఆరోగ్య ప‌రిస్థితి విష‌మంగా ఉందంటూ హాస్పిట‌ల్ వ‌ర్గాలు తెలియ‌జేయ‌డంతో ఆయ‌న అభిమానులు, సినీ ప్ర‌ముఖులు, స‌న్నిహితులు, శ్రేయోభిలాషులు కంగారు ప‌డ్డారు. అయితే ఆయ‌న ఆరోగ్యంగా ఉన్నార‌ని ఆయ‌న కుటుంబ స‌భ్యులు తెలిపారు. ఈ సంద‌ర్భంగా బాల‌సుబ్ర‌హ్మ‌ణ్యంకు మంచి స్నేహితుడైన మ్యాస్ట్రో ఇళ‌యరాజా, బాలు త్వ‌ర‌గా కోలుకోవాలని కోరుకుంటూ వీడియో విడుద‌ల చేశారు.

‘‘బాలు.. త్వ‌ర‌గా లేచిరా! నీకోసం కాచుకుని కూర్చున్నాను. మ‌న ప్ర‌యాణం సినిమా ప్రారంభం కాలేదు. అలాగే సినిమాతో ముగిసిపోయేది కాదు. సంగీతం మ‌న జీవితానికి ఓ ఆధారంగానే నిలిచింది. స్టేజీ క‌చేరీల‌పై ప్రారంభ‌మైన మ‌న స్నేహం, సంగీతం ఒక‌దాన్ని ఒక‌టి విడిచి ఎలా ఉండ‌లేదో, అలాగే మ‌న స్నేహం ఎప్పుడూ విడిపోలేదు. మ‌న మ‌ధ్య గొడ‌వ ఉన్నా, లేకున్నా అది స్నేహ‌మే. ఈ విష‌యం మ‌న ఇద్ద‌రికీ బాగా తెలుసు. నువ్వు క‌చ్చితంగా తిరిగి వ‌స్తావ‌ని నా మ‌న‌సు చెబుతుంది. అది నిజంగా జ‌ర‌గాల‌ని ఆ దేవుణ్ణి నేను ప్రార్థిస్తున్నాను.. బాలు.. త్వ‌ర‌గా రా!!’’ అని తెలిపారు ఇళయరాజా.

Get Breaking News Alerts From IndiaGlitz