ஒவ்வொரு வாரமும் திரையரங்குகளில் வெளியான திரைப்படங்கள் ஒரே மாதத்தில் ஓடிடியில் வெளியாகி வரும் நிலையில், இந்த வாரம் ஓடிடியில் எந்தெந்த படங்கள் வெளியாகின்றன என்பதை பார்ப்போம்.

முதல் கட்டமாக, பிரதீப் ரங்கநாதன் நடிப்பில், அஸ்வத் மாரிமுத்து இயக்கத்தில் உருவான "டிராகன்" திரைப்படம் மிகப்பெரிய வெற்றி பெற்றது. ரூ.100 கோடிக்கும் அதிகமாக திரையரங்குகளில் வசூலித்த இந்த படம், இந்த வாரம் நெட்பிளிக்ஸ் ஓடிடியில் வெளியாகிறது என்பது குறிப்பிடத்தக்கது. திரையரங்கில் போலவே, ஓடிடியிலும் இந்த படம் நல்ல வரவேற்பு பெறும் என்று எதிர்பார்க்கப்படுகிறது.

அதேபோல், தனுஷ் இயக்கத்தில் உருவான "நிலவுக்கு என் மேல் என்னடி கோபம்" என்ற திரைப்படமும் இந்த வாரம் ஓடிடியில் வெளியாகிறது. இந்த படம் அமேசான் பிரைமில் ஒளிபரப்பாகிறது.

அத்துடன், "Baby and Baby" என்ற தமிழ் திரைப்படம் சன் நெக்ஸ்ட் ஓடிடியில் வெளியாகிறது என்பது குறிப்பிடத்தக்கது.

இத்துடன், "ஆபிசர் ஆன் டூட்டி" என்ற மலையாள திரைப்படம் நெட்பிளிக்ஸ் ஓடிடியில் வெளியாகிறது. மேலும், சில தெலுங்கு மற்றும் கன்னட திரைப்படங்களும் இந்த வாரம் ஓடிடியில் வெளியாக உள்ளன.