ரவி மோகன், நித்யா மேனன் நடிப்பில் கிருத்திகா உதயநிதி இயக்கத்தில் உருவான "காதலுக்கு நேரமில்லை" உள்பட இரண்டு தமிழ் படங்கள் இந்த வாரம் ஓடிடியில் வெளியாகின்றன. மேலும், சில மலையாளம், கன்னடம் மற்றும் ஹிந்தி படங்களும் ரிலீஸ் ஆக உள்ளதாக தகவல் வெளியாகியுள்ளது.

"காதலுக்கு நேரமில்லை" திரைப்படம் பொங்கல் திருநாளில் வெளியானது. இந்த படம் கலவையான விமர்சனங்களை பெற்ற நிலையில், இந்த வாரம் நெட்ப்ளிக்ஸ் ஓடிடியில் வெளியிடப்படுவதாக அறிவிக்கப்பட்டுள்ளது.

மேலும், "மதுரை பையனும் சென்னை பொண்ணும்" என்ற தமிழ் சீரிச் ஆகா ஓடிடியில் வெளியாகிறது. இவை தவிர இரண்டு மலையாள படங்கள் மற்றும் ஒரு கன்னட படமும் வெளியாகின்றன.

"மார்க்கோ" என்ற மலையாள திரைப்படம் சோனி லைவ் ஓடிடியில், மனோரஞ்சன்’ என்ற மலையாள திரைப்படம் மனோரமா மேக்ஸ் ஓடிடியிலும் வெளியாகின்றன. அதேபோல், "விஜய் ஆனந்தா" என்ற கன்னட படம் "நம்ம பிக்ஸ்" ஓடிடியில் வெளியாகும் என்பது குறிப்பிடத்தக்கது.