இந்த வாரம் ராகவா லாரன்ஸ் நடித்த ’சந்திரமுகி 2’, ஜெயம் ரவி, நயன்தாரா நடித்த ’இறைவன்’ சித்தார்த் நடித்த ’சித்தா’ போன்ற திரைப்படங்கள் திரையரங்குகளில் வெளியாக இருக்கும் நிலையில் விஜய் தேவரகொண்டா, சமந்தா நடித்த ’குஷி’ உள்பட 4 தமிழ் திரைப்படங்கள் ஓடிடியில் வெளியாக உள்ளது. இந்த வாரம் ஓடிடி ரிலீஸ் குறித்த முழு தகவல்களை தற்போது பார்ப்போம்.

விஜய் தேவரகொண்டா மற்றும் சமந்தா நடித்த ரொமான்ஸ் திரைப்படம் ’குஷி’ திரையரங்குகளில் வெளியாகி நல்ல வரவேற்பு பெற்ற நிலையில் இந்த வாரம் நெட்ப்ளிக்ஸ் ஓடிடியில் வெளியாகிறது.

அதேபோல் ஜிவி பிரகாஷ் மற்றும் கௌரி கிஷான் நடிப்பில் உருவான ’அடியே’ என்ற திரைப்படம் கடந்த ஆகஸ்ட் மாதம் திரையரங்குகளில் வெளியான நிலையில் சோனி லைவ் ஓடிடியில் இந்த வாரம் வெளியாகிறது.

சவுத் ஓடிடியில் சந்தானம் நடித்த ‘கிக்’ என்ற தமிழ் திரைப்படம் வெளியாகிறது. அதேபோல் இந்த வாரம் வெளியாகும் தெலுங்கு மற்றும் மலையாள படங்கள் குறித்த தகவலையும் தற்போது பார்ப்போம்

துல்கர் சல்மான் நடித்த ‘கிங் ஆப் கோதா’ என்ற மலையாள திரைப்படம் இந்த வாரம் ஹாட்ஸ்டாரில் வெளியாகிறது. மேலும் ஷரவன் ரெட்டி நடித்த ‘டர்ட்டி ஹரி’ என்ற தெலுங்கு படம் ஆஹா ஓடிடியில், ‘ஏஜண்ட்’ என்ற தெலுங்கு படம் சோனி லைவ் ஓடிடியில், ‘பாபம் பசிவடு’ என்ற தெலுங்கு படம் ஆஹா ஓடிடியில், குமாரி ஸ்ரீமதி என்ற தெலுங்கு படம் அமேசான் ப்ரைமில் வெளியாகும்.

மேலும் அமேசான் ப்ரைமில் ‘கொரோனா தவான்’ என்ற மலையாள படமும் இந்த வாரம் வெளியாகிறது என்பது குறிப்பிடத்தக்கது.