பிரபல சென்னை தியேட்டர் அதிபர் வீட்டில் வருமான வரித்துறை சோதனை.. நகைகள் கைப்பற்றப்பட்டதா?
- IndiaGlitz, [Saturday,November 04 2023]
பிரபல தொழிலதிபர் அபிராமி ராமநாதன் வீடு மற்றும் அலுவலகங்களில் வருமான வரித்துறை அதிகாரிகள் விசாரணை செய்து வருவதாக தகவல் வெளியாகியுள்ளது. மேலும் அபிராமி ராமநாதன் தொடர்புடைய இடங்களில் வருமான வரித்துறை சோதனை செய்து வருகின்றனர்.
இந்த சோதனையில் அபிராமி ராமநாதன் வீட்டில் கணக்கில் வராத நகைகள் கைப்பற்றப்பட்டதாகவும், கைப்பற்றப்பட்ட நகைகள் கணக்கெடுக்கும் பணி நடைபெற்று வருவதாக கூறப்படுகிறது. கணக்கெடுக்கும் பணி முடிந்தவுடன் அபிராமி ராமநாதனை விசாரணைக்காக வருமான வரித்துறை அதிகாரிகள் அழைத்துச் சென்றதாகவும் செய்தி வெளியாகியுள்ளது.
நேற்று மாலை 4 மணி முதல் கஸ்தூரி எஸ்டேட்டில் உள்ள அபிராமி ராமநாதன் அலுவலகத்தில் வருமான வரித்துறை அதிகாரிகள் சோதனை செய்துள்ளனர். மேலும் அபிராமி ராமநாதன் கட்டி வரும் வணிக வளாகத்தின் கட்டுமான ஒப்பந்தத்தை எடுத்துள்ள அப்பாசாமி ரியல் எஸ்டேட் நிறுவனத்திலும் வருமான வரித்துறை அதிகாரிகள் சோதனை செய்து வருகின்றனர்.