భారత్ పెద్ద మనసు: ఎట్టకేలకు అమెరికాకు హైడ్రాక్సీక్లోరోక్విన్..

అమెరికాకు హైడ్రాక్సీక్లోరోక్విన్ (యాంటీ-మలేరియా) ఔషధం ఎగుమతి విషయంలో అగ్రరాజ్యం అధ్యక్షుడు ట్రంప్‌కు భారత ప్రధాని నరేంద్ర మోదీ ఝలక్ ఇచ్చిన సంగతి తెలిసిందే. అయితే తాజాగా.. భారత్ పెద్ద మనసు చేసుకుని ఎట్టకేలకు హైడ్రాక్సీక్లోరోక్విన్ ఎగుమతికి అంగీకరించింది. కాగా ఇప్పటికే అమెరికాతో పాటు అవసరమైన ఇతర దేశాలకు కూడా ఎగుమతి చేసేందుకు ఆంక్షల్ని విదేశాంగశాఖ ఎత్తివేసిన విషయం విదితమే. ఈ క్రమంలో భారత్ తీసుకున్న ఈ నిర్ణయంపై ప్రపంచ దేశాల నుంచి హర్షాతిరేకాలు వ్యక్తం చేస్తున్నాయి. కాగా.. ఇకపై ఈ హైడ్రాక్సీక్లోరోక్విన్‌తో పాటు ప్రస్తుత పరిస్థితికి అవసరమైన అన్ని ఔషధాల్ని సైతం భారత్ ఎగుమతి చేయబోతోంది.

అసలేం జరిగింది..!?

ప్రధాని నరేంద్ర మోదీకి ఫోన్ చేసి.. ‘మీ దగ్గర పెద్దఎత్తున ఉత్పత్తి అవుతున్న హైడ్రాక్సీ క్లోరోక్విన్‌ను మేం దిగుమతి చేసుకుంటాం ఇవ్వండి’ అని కోరగా ట్రంప్‌కు గట్టి ఝలక్ ఇచ్చారు. ఇవ్వడానికి వీలుకాదని చెప్పేశారట. ఫోన్ చేసిన చేసిన రోజే ఏ మాత్రం ఆలోచించకుండానే మోదీ ఈ మాట చెప్పేశారు. అయితే.. అంతకుమందే ఒకరితో ఒకరు మంచిగానే మాట్లాడుకున్నారు కూడా. నిజంగా భారత్ నుంచి ఇలాంటి రియాక్షన్ ఉంటుందని బహుశా ట్రంప్ ఊహించి ఉండడేమో. అమెరికాతో మంచిగా ఉంటూనే మోదీ ఇలా ఊహించని షాకివ్వడం గమనార్హం అని పలువురు నిపుణులు చెబుతున్నారు.

అప్పుడు షాక్ ఇందుకే..

ప్రస్తుతం మనదేశంలోనూ కరోనా పాజిటివ్ కేసుల సంఖ్య అమాంతం పెరిగిపోతున్నాయ్. దీంతో మనకు కూడా హైడ్రాక్సీ క్లోరోక్విన్‌ అవసరం చాలానే ఉంది. ఈ క్రమంలో ఇస్తానని మాట చెప్పి.. ఇవ్వకుండా ఎగ్గొట్టడం సబబు కాదని.. ఇవ్వడం కుదరదని తేల్చిచెప్పేశారన్న మాట. వాస్తవానికి కరోనా రోగులకు న్యూయార్క్‌లో హైడ్రాక్సీ క్లోరోక్విన్‌తో ఇతర మందులు కలిపి వాడగా మెరుగైన ఫలితాలు లభించడంతో ఇండియా నుంచి దిగుమతి చేసుకోవచ్చని ట్రంప్ ఎన్నో ఆశలు పెట్టుకున్నారు. అయితే.. ఒకే ఒక్క మాటతో ట్రంప్ ఆశలన్నీ మోదీ ఆవిరిచేసేశారు. కాగా.. ఇండియాలో ఐదువేలకు చేరువలో కరోనా కేసులు ఉండగా.. 328 మంది కోలుకుంటున్నారు. ఇప్పటి వరకూ 118 మంది మరణించారు. అయితే హైడ్రాక్సీ క్లోరోక్విన్‌ వల్ల కరోనా రోగులు కోలుకుంటున్నారు.

‘గేమ్ చేంజర్‌’ కోసం రివెంజ్..

కరోనాపై పోరాటంలో హైడ్రాక్సీ క్లోరోక్విన్‌ను ట్రంప్‌ ‘గేమ్‌ చేంజర్‌’గా పలుమార్లు అభివర్ణించిన విషయం తెలిసిందే. అంతేకాదు.. ప్రస్తుతం మన శాస్త్రవేత్తలు చేస్తున్న ట్రయల్స్‌ వర్కవుట్ అయితే ‘స్వర్గం నుంచి అందిన బహుమతి’గా భావిస్తానని కూడా చెప్పారు. ఇప్పటికే హైడ్రాక్సీ క్లోరోక్విన్‌ వినియోగానికి 29 మిలియన్‌ డోస్‌లను నిల్వ చేసి పెట్టుకున్న అమెరికా.. మరింత సేకరించాలని ఇండియాను సంప్రదించగా.. మోదీ ఊహించని షాకిచ్చారు. ఈ క్రమంలో భారత్‌పై రివెంజ్ తీర్చుకోవడానికి ట్రంప్ సిద్ధమయ్యారు. హైడ్రాక్సీక్లోరోక్విన్‌ మాత్రల్ని సరఫరా చేయొద్దన్నదే మోదీ నిర్ణయమైతే.. అది నన్ను తీవ్ర ఆశ్చర్యానికి గురిచేస్తుందన్నారు. అమెరికాతో భారత్‌ ఎప్పుడూ సరైన రీతిలోనే వ్యవహరిస్తోందన్నారు. ‘క్లోరోక్విన్‌ మాత్రల ఎగుమతిపై భారత్‌ నిషేధాన్ని ఎత్తివేయకపోతే.. చూద్దాం కానీ దానికి ప్రతీకారం ఉండొచ్చు..ఎందుకు ఉండకూడదు?’ అని ట్రంప్‌ తేల్చిచెప్పారు.

More News

కొవిడ్-19పై సమాచారం కోసం వాట్సాప్ చాట్ బోట్

ప్రపంచాన్ని వణికిస్తున్న కరోనా వైరస్ భూతంపై పోరాటంలో సాంకేతిక పరిజ్ఞానాన్ని వాడుకోవాలని తెలంగాణ సర్కార్ ప్రయత్నాలు మొదలుపెట్టింది. ఈ క్రమంలో ప్రజలను అప్రమత్తం చేసేందుకు

ఏపీలో కరోనా పాజిటివ్ కేసులు తగ్గే అవకాశం..!

ప్రపంచాన్ని వణికిస్తున్న కోవిడ్‌-19 నివారణా చర్యలపై సీఎం వైఎస్‌ జగన్‌ మోహన్ రెడ్డి సమీక్ష నిర్వహించారు. మంగళవారం మధ్యాహ్నం నిర్వహించిన

మేం అడిగితే ఇవ్వరా.. భారత్‌పై ప్రతీకారం ఉండొచ్చు: ట్రంప్

కరోనా వైరస్‌పై పోరాటంలో హైడ్రాక్సీ క్లోరోక్విన్‌ కాస్త వర్కవుట్ అవుతున్న సంగతి తెలిసిందే. ఇది ఇండియాలో మెండుగా ఉంది. ఈ క్రమంలో ప్రధాని నరేంద్ర మోదీకి ఫోన్ చేసి..

క‌రోనా పై యుద్ధానికి ఆదిత్య మ్యూజిక్ 31 ల‌క్ష‌ల విరాళం

క‌రోనా మ‌హ్మ‌మారి రోజురోజుకి విజృభిస్తోంది. ప్ర‌పంచ‌వ్యాప్తంగా క‌రోనా నివార‌ణ‌కు అన్ని దేశ ప్ర‌భుత్వాలు, ప్ర‌జ‌లు త‌గు చ‌ర్య‌లు తీసుకుంటున్నారు. తెలుగు రాష్ట్రాల్లో కూడా క‌రోనా ప్ర‌భావం

దిల్‌రాజు బ్యాన‌ర్‌లో చైత‌న్య‌..!!

అక్కినేని నాగచైత‌న్య ఇప్పుడు శేఖ‌ర్ క‌మ్ముల ద‌ర్శ‌క‌త్వంలో ల‌వ్‌స్టోరి సినిమా చేస్తోన్న సంగ‌తి తెలిసిందే. కరోనా వైరస్ తగ్గిన తర్వాత సినిమా విడుదల తేదీని ఖరారు చేస్తారు.