దసరా రేసులో బన్నీ..?
- IndiaGlitz, [Wednesday,March 04 2020]
స్టైలిష్ స్టార్ అల్లు అర్జున్ హీరోగా సుకుమార్ ద‌ర్శ‌క‌త్వంలో ఓ సినిమా రూపొంద‌నున్న సంగ‌తి తెలిసిందే. మార్చి ద్వితీయార్థం నుండి సినిమా రెగ్యుల‌ర్ షూటింగ్ ప్రారంభం కానుంది. ఈ సినిమాను దసరా సంద‌ర్భంగా విడుద‌ల చేయ‌డానికి బన్నీ, సుకుమార్, నిర్మాత‌లు యోచిస్తున్నార‌ట. దసరా సంద‌ర్భంగా ప్ర‌భాస్ 20వ సినిమా మాత్ర‌మే విడుద‌ల‌య్యే అవ‌కాశం ఉంది. వ‌చ్చే ఏడాది సంక్రాంతి అయినా.. స‌మ్మ‌ర్ అయినా ఇప్పటికే చిరంజీవి, మ‌హేశ్, ఆర్ఆర్ఆర్ చిత్రాలు రిజ‌ర్వ్ చేసేసుకున్నాయి. ఈ త‌రుణంలో దసరా అయితే బావుంటుంద‌ని బన్నీ భావిస్తున్నాడ‌ట. సుకుమార్ కూడా ద‌స‌రాకే సినిమాను విడుద‌ల చేసేలా ప్ర‌ణాళిక‌లు వేసి షూటింగ్‌ను శ‌ర‌వేగంగా ముగించాల‌ని అనుకుంటున్నాడ‌ని టాక్‌.
ఆర్య, ఆర్య2 చిత్రాల త‌ర్వాత అల్లు అర్జున్, సుకుమార్ కాంబినేష‌న్‌లో రూపొందుతోన్న చిత్రం కావ‌డంతో సినిమాపై మంచి అంచ‌నాలు నెల‌కొన్నాయి. ర‌ష్మిక మంద‌న్న హీరోయిన్‌గా న‌టిస్తోన్నతొలి షెడ్యూల్ 60 రోజుల పాటు కేర‌ళ‌లో జ‌ర‌గ‌నుంది. శేషాచ‌లం అడవుల్లో జ‌రిగే ఎర్ర చంద‌నం స్మ‌గ్లింగ్ నేప‌థ్యంలో సుకుమార్ సినిమాను తెర‌కెక్కించ‌బోతున్నాడ‌ట. ఈ సినిమా కోసం బన్నీ చిత్తూరు జిల్లా యాస‌ను నేర్చుకున్నాడ‌ట.