close
Choose your channels

కీర్తి పెళ్లి చేసుకోనుందా..?

Saturday, April 4, 2020 • తెలుగు Comments

కీర్తి పెళ్లి చేసుకోనుందా..?

మ‌ల‌యాళ చిత్రాల్లో నటించి ఆ త‌ర్వాత తమిళంలోకి ఎంట్రీ ఇచ్చిన హీరోయిన్ కీర్తిసురేశ్ త‌ర్వాత తెలుగు ప్రేక్ష‌కుల‌కు నేను శైల‌జ చిత్రంతో ప‌రిచ‌యమైంది. త‌ర్వాత తెలుగు, త‌మిళ చిత్రాల‌కే ఎక్కువ ప్రాధాన్య‌త‌నిస్తూ సినిమాలు చేస్తూ వ‌స్తుంది. అల‌నాటి అగ్ర క‌థానాయిక సావిత్రి బ‌యోపిక్ మ‌హాన‌టిలో నటించి ఏకంగా జాతీయ ఉత్త‌మ‌న‌టి అవార్డును సొంతం చేసుకుంది. ప్ర‌స్తుతం నితిన్‌తో రంగ్ దే, సూప‌ర్‌స్టార్ రజినీకాంత్‌తో అణ్ణాత్త చిత్రాల్లోనూ న‌టిస్తుంది.

లేటెస్ట్‌గా కీర్తి సురేశ్ పెళ్లి చేసుకోనుందంటూ గుస‌గుస‌లు విన‌ప‌డుతున్నాయి. పొలిటిక‌ల్ ట‌చ్ ఉన్న ఓ బిజినెస్‌మేన్‌తో కీర్తి ట‌చ్‌లో ఉంద‌ని, కీర్తి తండ్రి కూడా వారి పెళ్లి చేయ‌డానికి ఆస‌క్తి చూపాడ‌ని, కీర్తి కూడా గ్రీన్ సిగ్న‌ల్ ఇచ్చింద‌ని త్వ‌ర‌లోనే వీరి పెళ్లికి సంబంధించిన వార్త‌ను తెలియ‌జేసే అవ‌కాశం ఉందంటున్నారు. మ‌రి ఇందులో నిజానిజాలేమిటి? ఇదేమైనా రెగ్యుల‌ర్‌గా హీరోయిన్స్ పెళ్లికి సంబంధించి వ‌చ్చే వార్తేనా? లేదా అని తెలియాలంటే వేచి చూడాలి.

Get Breaking News Alerts From IndiaGlitz