close
Choose your channels

మహేశ్‌తో ఆ డైరెక్టర్‌ సినిమా ఇక లేనట్టేనా..!?

Friday, August 23, 2019 • తెలుగు Comments

మహేశ్‌తో ఆ డైరెక్టర్‌ సినిమా ఇక లేనట్టేనా..!?

తెలుగు సూపర్‌స్టార్ మహేశ్ బాబుతో ఒక్క సినిమా అయినా చేయాలని ‘అర్జున్ రెడ్డి’ దర్శకుడు సందీప్ రెడ్డి వంగా తహతహలాడిన విషయం విదితమే. అంతేకాదు.. మహేశ్‌తో ఓ మధ్యవర్తి ద్వారా మంతనాలు సైతం జరిపారట. అయితే ఇంతలో ఏం జరిగిందో ఏమోగానీ సూపర్‌స్టార్‌ను పక్కనెట్టేశారట. మహేశ్‌తో సినిమా తీయాలని అందరు డైరెక్టర్స్‌కూ ఉంటుంది ఇందులో ఎటువంటి తప్పులేదు. కానీ.. ఈ డైరెక్టర్ మాత్రం హిట్ పడే సరికి ముందుగా అనుకున్న ప్లాన్ మొత్తం మార్చేసుకున్నాడట.

తెలుగులో సూపర్‌ డూపర్ హిట్టయిన ‘అర్జున్‌రెడ్డి’ చిత్రాన్ని హిందీలో ‘కబీర్ సింగ్’ గా తర్జుమా చేయగా.. మంచి ఫలితం వచ్చింది. ఈ రీమేక్‌కు ముందు మహేశ్‌తో సినిమా చేయాలనుకున్న సందీప్.. ఆ తర్వాత మాత్రం ఆ మాటే పట్టించుకోలేదట. అయితే ఈ గ్యాప్‌లో మహేశ్ ‘సరిలేరు నీకెవ్వరు’తో బిజిబిజీగా ఉండటంతో సందీప్ బాలీవుడ్‌ బాట పట్టాడు.

ఇవన్నీ అటుంచితే ఇటు టాలీవుడ్‌లో అటు బాలీవుడ్‌లో మంచి పేరు తెచ్చుకున్న సందీప్ కథ కోసం ఎంతో మంది హీరోలు క్యూ కడుతున్నారు. ఇవన్నీ ఒక ఎత్తయితే బాలీవుడ్‌లో కబీర్‌సింగ్ ఏకంగా 300 కోట్ల వసూళ్ళు రాబట్టడంతో సందీప్‌కు కుప్పలు తెప్పలుగా ఆఫర్లు వస్తున్నాయి. దీంతో తెలుగు సూపర్‌స్టార్‌ మహేష్ బాబు సినిమా ఉన్నట్టా..? లేనట్టా..? అనేది తెలియాల్సి ఉంది.

Get Breaking News Alerts From IndiaGlitz