అగ్ర క‌థానాయ‌కుల్లో కింగ్ నాగార్జున ఆచి తూచి అడుగులు వేస్తున్నారు. సినిమాల ఎంపిక‌లో జాగ్ర‌త్త‌గా వ్య‌వ‌హ‌రిస్తున్నారు. ప్ర‌స్తుతం సాల్మోన్ ద‌ర్శ‌క‌త్వంలో ‘వైల్డ్ డాగ్’ సినిమా చేస్తున్నారు. ఈ సినిమా చిత్రీక‌ర‌ణ తుది ద‌శ‌కు చేరుకుంది. దీని తర్వాత నాగార్జున మరో సినిమా చేయడానికి ఓకే అన్నాడ‌ని సినీ వ‌ర్గాల్లో వార్త‌లు విన‌పడుతున్నాయి. వివరాల్లోకెళ్తే.. రాజ‌శేఖ‌ర్‌తో పి.ఎస్‌.వి.గ‌రుడ‌వేగ వంటి సినిమాను డైరెక్ట్ చేసిన ప్ర‌వీణ్ స‌త్తారు చాలా గ్యాప్ త‌ర్వాత మ‌రో సినిమాను ట్రాక్ ఎక్కించ‌డానికి సిద్ధ‌మ‌య్యారు.

అందులో భాగంగా ఓ క‌థ‌ను సిద్ధం చేసుకుని నాగార్జున‌ని క‌లిశాడ‌ట‌. నాగ్‌కి క‌థ న‌చ్చ‌డంతో ఆయ‌న వెంట‌నే ఓకే చెప్పేశార‌ని టాక్. మ‌రి సినిమా ఎప్పుడు స్టార్ట్ అవుతుంద‌నే దానిపై క్లారిటీ రాలేదు. మ‌రో ప‌క్క తెలుగు రియాలిటీ షో బిగ్‌బాస్ నాలుగో సీజ‌న్‌కు కూడా నాగార్జునే వ్యాఖ్యాత‌గా వ్య‌వ‌హ‌రించ‌నున్నాడ‌ట‌.