close
Choose your channels

బిగ్‌బాస్‌4 వ్యాఖ్యాత‌గా సమంత‌..?

Friday, June 26, 2020 • తెలుగు Comments

బిగ్‌బాస్‌4 వ్యాఖ్యాత‌గా సమంత‌..?

తెలుగు పాపులర్ రియాలిటీ షో బిగ్‌బాస్‌. తెలుగులో స్టార్ మాలో ప్ర‌సారం అవుతున్న‌ ఈ రియాలిటీ షో ఇప్ప‌టి వ‌ర‌కు మూడు సీజ‌న్స్‌ను పూర్తి చేసుకుంది. ఎప్ప‌టి నుండో నాలుగో సీజ‌న్ స్టార్ట్ అవుతుంద‌ని వార్త‌లు విన‌ప‌డుతున్నాయి. కాగా..సోష‌ల్ మీడియాలో ఇప్పుడు బిగ్‌బాస్ నాలుగో సీజ‌న్ ప్రారంభం గురించి రోజుకొక వార్త వినపడుతుంది. నిజానికి క‌రోనా ఎఫెక్ట్ లేకుండా ఉండుంటే జూన్‌లోనే బిగ్‌బాస్ సీజ‌న్ 4 ప్రారంభం కావాల్సింది. కానీ ఇప్పుడు ఆగస్టులో ప్రారంభమయ్యే అవకాశాలున్నాయని అంటున్నారు.

బిగ్‌బాస్‌4 వ్యాఖ్యాత‌గా సమంత‌..?

నిన్నా మొన్నటి వరకు మూడో సీజన్‌కు వ్యాఖ్యాత‌గా వ్య‌వ‌హ‌రించిన నాగార్జ‌నే నాలుగో సీజ‌న్‌కు కూడా వ్యాఖ్యాత‌గా వ్య‌వ‌హ‌రిస్తాడ‌ని వార్త‌లు వినిపించాయి. అయితే లేటెస్ట్‌గా మ‌రో పేరు విన‌ప‌డుతోంది. అయితే ఆపేరు అక్కినేని క్యాంప్‌కు సంబంధించిన వ్య‌క్తి పేరే కావ‌డం గ‌మ‌నార్హం. ఇంత‌కూ ఆ వ్య‌క్తి ఎవ‌రో కాదు.. స‌మంత అక్కినేని. ఓ బేబీ త‌ర్వాత స‌మంత మ‌రో సినిమాలో న‌టించ‌లేదు. మ‌రో సినిమాలో ఆమె న‌టించ‌డానికి స‌మయం ప‌ట్టేలా ఉంది. దీంతో స్టార్ మా నిర్వాహ‌కులు స‌మంత‌ను అప్రోచ్ అయ్యార‌ని వార్త‌లు విన‌ప‌డుతున్నాయి. మ‌రి ఈ వార్త‌ల‌పై ఏమైనా క్లారిటీ వ‌స్తుందేమో చూడాలి.

Get Breaking News Alerts From IndiaGlitz