ఆ లిస్ట్ లో అఖిల్ చేరతాడా?
- IndiaGlitz, [Saturday,September 16 2017]
ఇప్పుడున్న అగ్ర క‌థానాయ‌కుల్లో చాలా మంది తొలి చిత్రంతో హిట్ కొట్ట‌లేక‌పోయినా.. రెండో చిత్రంతో మాత్రం విజ‌యాన్ని త‌మ సొంతం చేసుకున్నారు. ప‌వ‌న్ క‌ళ్యాణ్‌కి తొలి హిట్, రెండో చిత్ర‌మైన గోకులంతో సీత ఇస్తే.. ఎన్టీఆర్‌కి రెండో చిత్రం స్టూడెంట్ నెం.1 ఇచ్చింది. రామ్‌చ‌ర‌ణ్‌కి తొలి చిత్రం ఫ‌ర‌వాలేద‌నిపిస్తే.. రెండో చిత్రం మ‌గ‌ధీర సెన్సేష‌న‌ల్ హిట్ ఇచ్చింది.
ఈ నేప‌థ్యంలో తొలి చిత్రం అఖిల్‌తో నిరాశ‌ప‌డ్డ అక్కినేని వారి యువ క‌థానాయ‌కుడు అఖిల్‌కి కూడా రెండో చిత్రం హ‌లో.. అలాంటి ఫీట్ రిపీట్ చేస్తుందేమో చూడాలంటున్నారు విశ్లేష‌కులు. అంతేకాదు.. అఖిల్ అన్న నాగ‌చైత‌న్య‌కి కూడా తొలి చిత్రం జోష్ నిరాశ‌ప‌రిస్తే.. రెండో చిత్రం ఏమాయ చేసావె హిట్ చిత్రంగా నిలిచింది. మ‌రి.. అఖిల్ కూడా పైన చెప్పుకున్న క‌థానాయ‌కుల్లాగా రెండో చిత్రంతో హిట్ కి బోణి కొడ‌తాడేమో చూడాలి.