అప్పుడు ఐటం గర్ల్.. ఇప్పుడు హీరోయిన్
- IndiaGlitz, [Saturday,October 03 2015]
మెగాస్టార్ చిరంజీవి ఆరేళ్ల విరామం త‌రువాత వెండితెర‌పై సంద‌డి చేయ‌నున్న చిత్రం బ్రూస్ లీ. రామ్‌చ‌ర‌ణ్ క‌థానాయ‌కుడిగా న‌టిస్తున్న ఈ చిత్రంలో చిరు గెస్ట్ అప్పీరియ‌న్స్ ఇవ్వ‌నున్నారు. బ్రూస్ లీకి ముందు చిరంజీవి తెర‌పై మెరిసిన సినిమా కూడా చ‌ర‌ణ్ దే కావ‌డం విశేషం. మ‌గ‌ధీర పేరుతో రూపొంది సెన్సేష‌న‌ల్ హిట్ కొట్టిన ఆ సినిమాలో చిరు ప్రారంభ దృశ్యాల్లో క‌నువిందు చేస్తే.. బ్రూస్ లీలో ప‌తాక స‌న్నివేశాల్లో సంద‌డి చేయ‌నున్నారు.
ఇదిలా ఉంటే.. మ‌గ‌ధీర కోసం అటు చిరంజీవితోనూ, ఇటు రామ్‌చ‌ర‌ణ్ తోనూ ఏక కాలంలో క‌లిసి న‌టించే అవ‌కాశాన్ని ఆ సినిమాలో బంగారు కోడి పెట్ట సాంగ్‌లో త‌ళుక్కుమ‌న్న ఐటం గర్ల్ ముమైత్ ఖాన్‌కి ద‌క్కించుకుంది. ఇక బ్రూస్ లీ విష‌యంలో చిత్ర క‌థానాయిక ర‌కుల్ ప్రీత్ సింగ్‌కి ఆ బంప‌ర్ ఆఫ‌ర్ ద‌క్కిందని స‌మాచార‌మ్‌. తండ్రీ కొడుకుల మ‌ధ్య క‌నిపించి ముమైత్ భారీ హిట్‌నే త‌న సొంతం చేసుకుంది. మ‌రి హీరోయిన్ ర‌కుల్ కూడా ఆ ఫీట్‌నే రిపీట్ చేస్తుందేమో చూడాలి.