ఆలోచనలో జగపతిబాబు...
- IndiaGlitz, [Tuesday,December 29 2015]
హీరోగా వంద చిత్రాల్లో నటించిన జగపతి బాబు లెజెండ్ తో విలన్ గా మారాడు. ప్రేక్షకుల ప్రశంసలు పొందాడు. అలాగే శ్రీమంతుడు చిత్రంలో మహేష్ బాబు తండ్రి పాత్రలో అలరించాడు. ఇప్పుడు నాన్నకు ప్రేమతో..చిత్రంలో విలన్ గా కనిపించబోతున్నాడు. అయితే ఈ ఆడియో వేడుకలో జగపతి బాబు తన మనసులోని మాటను బయటపెట్టాడు. తన తండ్రి స్థాపించిన జగపతి ఆర్ట్స్ ను తిరిగి ప్రారంభించాలనుకుంటున్నాడట. అంటే అన్నీ సవ్యంగా కుదిరితే త్వరలోనే జగపతి ఆర్ట్స్ లో జగపతిబు హీరోగానే కాకుండా నిర్మాతగా కూడా కనిపిస్తాడన్నమాట.