சூப்பர் ஸ்டார் ரஜினிகாந்த் நடிப்பில், நெல்சன் இயக்கத்தில், அனிருத் இசையில், சன் பிக்சர்ஸ் நிறுவனத்தின் தயாரிப்பில் உருவான "ஜெயிலர்" திரைப்படம் 2023 ஆம் ஆண்டு வெளியானது. இந்த படம் மிகப்பெரிய வெற்றி பெற்றது. 200 கோடி ரூபாய் பட்ஜெட்டில் தயாரிக்கப்பட்ட இப்படம், உலகம் முழுவதும் 650 கோடி ரூபாய் வசூல் செய்து சாதனை செய்தது.

இந்த நிலையில், "ஜெயிலர்" படத்தின் இரண்டாம் பாகம் குறித்த அறிவிப்பு கடந்த சில வாரங்களுக்கு முன்பு வெளியானது. இப்படத்தின் ஆரம்பகட்ட பணிகளை இயக்குநர் நெல்சன் செய்து வந்ததாக கூறப்பட்டது.

இதற்கிடையில், "கூலி" படத்தின் படப்பிடிப்பை ரஜினிகாந்த் கிட்டத்தட்ட முடித்துவிட்டார். இதையடுத்து அடுத்த வாரம் முதல் "ஜெயிலர் 2" படத்தின் படப்பிடிப்பை தொடங்க இருப்பதாக தகவல்கள் வெளியாகியுள்ளன. முதல் கட்ட படப்பிடிப்பு சென்னையில் நடைபெற இருக்கிறது. அதனை தொடர்ந்து தேனி, கோவா மற்றும் சில பகுதிகளில் படப்பிடிப்பை நடத்த படக்குழு திட்டமிட்டுள்ளது.

மேலும், முதல் பாகத்தில் நடித்த கன்னட நடிகர் சிவராஜ்குமார் மற்றும் மலையாள நடிகர் மோகன்லால் இருவரும் இரண்டாம் பாகத்திலும் நடிப்பது உறுதி செய்யப்பட்டுள்ளதாக தகவல் வெளியாகியுள்ளது.

சமீபத்தில் "ஜெயிலர் 2" படத்தின் டீசர் வீடியோ வெளியாகி இணையத்தில் வைரலானது. எனவே முதல் பாகம் போலவே, இரண்டாம் பாகமும் மிகப்பெரிய வெற்றி பெறும் என எதிர்பார்க்கப்படுகிறது.