நான் கேட்டதை விட 3 மடங்கு சம்பளம் கொடுத்தார்கள்.. 'ஜெயிலர்' பிரபலம் தகவல்..!
- IndiaGlitz, [Wednesday,September 20 2023]
சூப்பர் ஸ்டார் ரஜினிகாந்த் நடித்த ‘ஜெயிலர்’ திரைப்படம் சமீபத்தில் வெளியாகி மிகப்பெரிய வெற்றி பெற்ற நிலையில் இந்த படம் உலகம் முழுவதும் 650 கோடி ரூபாய் வசூல் செய்ததாக தகவல் வெளியாகியுள்ளது.
இதனை அடுத்து ரஜினிகாந்த், நெல்சன், அனிருத் உள்ளிட்டோருக்கு கூடுதல் சம்பளம் அளித்த சன் பிக்சர்ஸ் நிறுவனம், விலை உயர்ந்த கார்களையும் பரிசளித்தது. அதேபோல் இந்த படத்தில் பணிபுரிந்த அனைத்து தொழில்நுட்ப கலைஞர்கள் நட்சத்திரங்களுக்கும் சிறப்பு பரிசு வழங்கியது
இந்த நிலையில் இந்த படத்தின் வெற்றிக்கு காரணமானவர்களில் ஒருவரான வில்லன் நடிகர் விநாயகனுக்கு 35 லட்சம் ரூபாய் சம்பளம் கொடுத்ததாக சமூக வலைதளங்களில் செய்தி பரவியது.
இதுகுறித்து விளக்கம் அளித்த விநாயகன் 35 லட்சம் சம்பளம் என்பதெல்லாம் பொய், ஆனால் அதே நேரத்தில் நான் கேட்டதை விட மூன்று மடங்கு சம்பளத்தை சன் பிக்சர்ஸ் நிறுவனம் அளித்தது என்று தெரிவித்துள்ளார்.