சூப்பர் ஸ்டார் ரஜினிகாந்த் நடித்த ’ஜெயிலர்’ படத்தில் நடித்த நடிகை, ’ஜெயிலர் 2’ படத்திலும் இணைந்துள்ளதாக தகவல்கள் வெளியாகி உள்ளன.

சூப்பர் ஸ்டார் ரஜினிகாந்த் நடிப்பில், நெல்சன் இயக்கத்தில், அனிருத் இசையில் உருவாகி வரும் ’ஜெயிலர் 2’ படத்தின் படப்பிடிப்பு விறுவிறுப்பாக நடைபெற்று வருகிறது. இதன் இரண்டாம் கட்ட கட்ட படப்பிடிப்பு கோவையில் நடைபெற்று வருவதாகவும், கோவையில் 20 நாட்கள் படப்பிடிப்பு நடத்த படக்குழு திட்டமிட்டுள்ளதாகவும் கூறப்படுகிறது.

இந்த நிலையில், ’ஜெயிலர்’ படத்தின் முதல் பாகத்தில் ரஜினி நடித்த ‘டைகர் முத்துவேல் பாண்டியன்’ கேரக்டரின் மருமகள் கதாபாத்திரத்தில் நடித்த மிர்ணா மேனன் நடித்திருந்த நிலையில், மீண்டும் ’ஜெயிலர் 2’ படத்திலும் அவர் இணைந்துள்ளதாக தகவல் வெளியாகியுள்ளது. கோவையில் நடைபெறும் படப்பிடிப்பிலும் அவர் பங்கேற்றுள்ளதாக கூறப்படுகிறது.

முதல் பாகத்தின் கிளைமேக்ஸில் மிர்ணாவின் கணவரை ரஜினிகாந்த் சுட்டு கொல்லும் காட்சி இடம்பெற்றது. இந்த உண்மை, அவரது மருமகளுக்குத் இன்னும் தெரியாது என்பதால் இந்த ரகசியத்தை இரண்டாம் பாகத்தில் ரஜினி கூறுவாரா? என்பதையும் ’ஜெயிலர் 2’ படத்தில் தான் கண்டறிய வேண்டும்.