தளபதி விஜய் நடித்து வரும் ’ஜனநாயகன்’ திரைப்படம், ஜனவரி 9ஆம் தேதி வெளியாகும் என நேற்று அதிகாரப்பூர்வமாக அறிவிக்கப்பட்டது. ஏற்கனவே "பராசக்தி" படத்தின் தயாரிப்பாளராக ஆகாஷ் பாஸ்கரன் பொங்கல் ரிலீஸ் அறிவித்திருந்த நிலையில், தற்போது இரு படங்களும் பொங்கல் ரிலீஸ் என உறுதி செய்யப்பட்டுள்ளது.

’ஜனநாயகன்’ ரிலீஸ் தேதி அதிகாரபூர்வமாக அறிவித்த பின்னரும் ஆகாஷ் பாஸ்கரன் "பராசக்தி" படத்தை அடுத்த ஆண்டு பொங்கல் தினத்தில் வெளியிடுவதை உறுதி செய்துள்ளார். இதனால், ’ஜனநாயகன்’ மற்றும் "பராசக்தி" ஆகிய இரண்டு படங்களும் பொங்கல் ரிலீஸாகும் என்பது உறுதி செய்யப்பட்டுள்ளதாக கூறப்படுகிறது.

’ஜனநாயகன்’ ஒரு பெரிய பட்ஜெட் படம் என்பதுடன், விஜய்யின் மாஸ் திரைப்படம் என்பதால் பெரிய எதிர்பார்ப்பு உள்ளது. அதே நேரத்தில், "பராசக்தி" படத்தையும் ஆகாஷ் பாஸ்கரன் பொங்கல் ரிலீஸாக தேர்வு செய்ததற்குக் காரணம், அடுத்த ஆண்டு பொங்கல் விடுமுறை நீண்ட நாட்கள் இருப்பதுதான்.

ஜனவரி 9ஆம் தேதி ’ஜனநாயகன்’ ரிலீஸ் ஆக, ஜனவரி 10, 11 (சனி, ஞாயிறு) விடுமுறையாக உள்ளது. ஜனவரி 12 (திங்கட்கிழமை) ஒரே ஒரு வேலை நாள் மட்டுமே உள்ள நிலையில், ஜனவரி 13ஆம் தேதியிலிருந்து போகி, பொங்கல், மாட்டுப் பொங்கல், காணும் பொங்கல் என ஜனவரி 16 வரை தொடர்ச்சியாக விடுமுறை இருக்கிறது. அதற்கு மேலாக, ஜனவரி 17, 18 (சனி, ஞாயிறு) மீண்டும் விடுமுறை என்பதால், மொத்தம் 10 நாட்கள் நீடித்த விடுமுறை கிடைக்கிறது.

இந்த நீண்ட விடுமுறையில் இரண்டு பெரிய படங்களும் வெளியானாலும் இரண்டுமே வெற்றி பெறும் வாய்ப்பு அதிகம். இதனால்தான் ’ஜனநாயகன்’ படத்துடன் "பராசக்தி" படமும் ஒரே நேரத்தில் வெளியானாலும் இரண்டுமே வெற்றி பெற அதிக வாய்ப்புகள் இருப்பதாக திரையுலக வட்டாரங்கள் தெரிவித்துள்ளன.