உங்கள் ரசிகர்கள் என்னை மிரட்டுகிறார்கள் என ’ஜனநாயகன்’ படத்தில் பணிபுரியும் பிரபலம் ஒருவர் விஜய்யிடம் புகார் கூறிய நிலையில், அதற்கு அவர் அளித்த பதில் குறித்த தகவல் தற்போது இணையத்தில் வைரல் ஆகி வருகிறது.

தளபதி விஜய் நடித்துவரும் ஜனநாயகம் என்ற திரைப்படத்தை வினோத் இயக்கி வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது.

விஜய் ஜோடியாக பூஜா ஹெக்டே நடிக்கும் ’ஜனநாயகன்’ படத்தில், ஒரு பெரிய நட்சத்திர கூட்டமே நடிக்கிறது. மேலும், இந்த படத்தில் ஸ்ருதி ஹாசன் இணைந்து இருப்பதாகவும் கூறப்படுகிறது.

இந்த நிலையில், ’ஜனநாயகன்’ படத்தின் எடிட்டர் பிரதீப் சமீபத்தில் அளித்த பேட்டியில் ஒரு முக்கிய தகவலை தெரிவித்துள்ளார். ’ஜனநாயகன்’ படத்தின் ஷூட்டிங் ஸ்பாட்டுக்கு சென்றபோது, விஜய் பிரேக்கில் இருந்தார். அப்போது அவரிடம் என்னை எச் வினோத் அறிமுகம் செய்தார். சுமார் 20 நிமிடங்கள் விஜய்யிடம் பேசினேன்.

அந்த உரையாடலின் போது, ‘எங்கள் தளபதியின் கடைசி படம். எனவே நல்லா பண்ணு என உங்கள் ரசிகர்கள் என்னை சமூக வலைத்தளங்களில் மிரட்டுகிறார்கள்!’ என்று கூறினேன்.

அதற்கு அவர் இந்த பிரஷ்ஷரை எல்லாம் ஏற்றி கொள்ளாமல், ‘உங்கள் வேலையை நீங்கள் கூலாக பாருங்கள்’ என்று விஜய் கூறியதாக அந்த பேட்டியில் எடிட்டர் பிரதீப் தெரிவித்துள்ளார். இந்த பேட்டி தற்போது வைரலாகி வருகிறது.