రాధా రాజీనామా.. జనసేనలో ఫుల్ జోష్!
Send us your feedback to audioarticles@vaarta.com
వంగవీటి రాధాకృష్ణ వైసీపీకి రాజీనామా చేయడంతో విజయవాడ జనసేనలో ఫుల్ జోష్ వచ్చింది. ఆయన ఎలాగో టీడీపీలోకి వెళ్లే చాన్స్ లేదు గనుక.. మిగిలింది ఒకే ఒక్క జనసేన మాత్రమేనని కచ్చితంగా పవన్ సమక్షంలో పార్టీలో చేరతారని సోషల్ మీడియాలో పెద్ద ఎత్తున ప్రచారం జరుగుతోంది. అంతేకాదు.. జనసేనికులకు సంబంధించిన కొన్ని ఫేస్బుక్, వాట్సాప్, ట్వి్ట్టర్ ఖాతాల్లో సైతం రాధా ఫొటో పెట్టుకుని ఈ రూపంలో ఆనందించారు. పైగా రాధాది కాపు సామాజిక వర్గం గనుక.. ఇది కూడా మనకు కలిసొస్తుందని జనసేన ముఖ్యనేతలు భావిస్తున్నారు.
నవ్వుతూ సమాధానం..!
రాజీనామా అనంతరం మీడియాతో మాట్లాడిన రాధాను.. మీరు జనసేనలో చేరుతున్నారా..? అని అడగ్గా నవ్వుతూ సమాధానం చెప్పుకుండా వెళ్లిపోయారు. మరోసారి ఇదే విషయాన్ని ప్రస్తావించగా మమ్మల్ని ఎవరు సంప్రదించలేదు.. అవసరమైతే వాళ్లే వస్తారు కదా అని అంటూ దాటవేసే ప్రయత్నం చేశారాయన. దీంతో రాధా చేరిక జనసేనలోనేనని మరింత క్లారిటీ వచ్చినట్లైంది. అయితే రాధా చేరితే ఒక్క జిల్లానే కాకుండా రాష్ట్ర వ్యాప్తంగా ఉండే వంగవీటి అభిమానులు, అనుచరులు, ఆయన సామాజిక వర్గం జనసేనకు అండగా ఉంటుందని జనసైన్యం భావిస్తోందని సమాచారం. ఒకవేళ రాధా పార్టీలోకి వస్తే ఆయన కోరుకున్న స్థానం నుంచే బరిలోకి దింపాలని జనసేనాని భావిస్తున్నారట.
రెండ్రోజుల్లో తేల్చేస్తా..!
అయితే రాధా మాత్రం ఇంకా అనుచరులు, అభిమానులతో ఇంకా చర్చించలేదు.. వారి అభిప్రాయం తెలుసుకుని తదుపరి భవిష్యత్ కార్యాచరణ ప్రకటిస్తానని చెప్పుకొచ్చారు. తాను రాజకీయాలకు దూరంగా ఉంటానన్న మాట వాస్తవం కాదని.. కచ్చితంగా కొనసాగి కేడర్ను కాపాడుకుంటానని రాధా స్పష్టం చేశారు. అయితే ఈ రెండ్రోజుల్లో రాధా ఏం చేయబోతున్నారు..? ఏ పార్టీ కండువా కప్పుకుంటారు..? పవన్ గూటికి చేరతారా..? కుటుంబ శత్రువున్న టీడీపీ గూటికి చేరతారా..? అనే విషయాలు విజయవాడ రాజకీయాల్లో చర్చనీయాంశమయ్యాయి. రెండ్రోజులు ఆగితే కాని రాధా ఏ గూటికి చేరతారో క్లారిటీ వచ్చేలా లేదు.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్సైట్ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.