'கில்லி'யை கொண்டாடும் தமிழ் ரசிகர்கள்.. பதிலுக்கு ஜப்பான் விஜய் ரசிகர்களின் தரமான சம்பவம்..!
- IndiaGlitz, [Monday,April 22 2024]
தளபதி விஜய் 20 ஆண்டுகளுக்கு முன்பு நடித்த ’கில்லி’ திரைப்படம் கடந்த வெள்ளி அன்று வெளியாகி மிகப்பெரிய வரவேற்பை பெற்றது என்பதும் குறிப்பாக புதிதாக ரிலீசான படங்களுக்கு இணையாக இந்த படத்தின் முதல் நாள் ஓப்பனிங் வசூல் இருந்தது என்பதையும் பார்த்தோம்.
இந்த நிலையில் அடுத்த வாரம் சனி ஞாயிறு வரை இந்த படத்திற்கு டிக்கெட் புக் ஆகிக்கொண்டிருக்கும் நிலையில் இந்த படத்தின் வெற்றி ரசிகர்களுக்கு மட்டுமின்றி படத்தின் குழுவினர்களுக்கும் பெரும் மகிழ்ச்சியை ஏற்படுத்தியுள்ளது.
இந்த நிலையில் தமிழ்நாட்டில் ’கில்லி’ படத்தை ஒரு பக்கம் ரசிகர்கள் கொண்டாடி வரும் நிலையில் இன்னொரு பக்கம் ஜப்பான் நாட்டில் ’பிகில்’ படம் ரிரீலிஸ் செய்யப்பட்டதை அடுத்து அங்குள்ள விஜய் ரசிகர்கள் அந்த படத்தை கொண்டாடி வருகின்றனர்.
ஜப்பான் நாட்டில் உள்ள ஒரு திரையரங்கில் ’பிகில்’ படம் திரையிடப்பட்டதை அடுத்து தமிழ்நாட்டு ரசிகர்களுக்கு இணையாக ஜப்பான் நாட்டு விஜய் ரசிகர்கள் திரையரங்குகளில் கொண்டாட்டம் நடத்திய புகைப்படம் இணையத்தில் கசிந்து வருகிறது.
இந்த நிலையில் அடுத்த கட்டமாக விஜய் நடித்த சூப்பர் ஹிட் படங்களில் ஒன்றான ’சர்கார்’ படம் விஜய் பிறந்தநாளன்று ரீரிலீஸ் செய்யப்பட உள்ளதாகவும் இதனை அடுத்து இன்னொரு கொண்டாட்டம் காத்திருக்கிறது என்றும் எதிர்பார்க்கப்படுகிறது.