காதலி என்பவர் எப்போதும் காதலி தான், ப்ரெண்ட் என சொல்வது போங்காட்டம்: 'தீராக்காதல்' டிரைலர்..!
- IndiaGlitz, [Wednesday,May 10 2023]
ஜெய் நடிப்பில் உருவான ‘தீராக்காதல்’ என்ற திரைப்படம் வரும் 26 ஆம் தேதி திரையரங்குகளில் வெளியாக இருக்கும் நிலையில் இந்த படத்தின் டிரைலர் சற்றுமுன் வெளியாகியுள்ளது.
ஜெய் மற்றும் ஐஸ்வர்யா ராஜேஷ் முன்னாள் காதலர்களாக இருக்கும் நிலையில் தற்போது ஜெய் வேறொரு பெண்ணை திருமணம் செய்து குழந்தையுடன் வாழ்ந்து வருகிறார். அப்போது எதிர்பாராத விதமாக முன்னாள் காதலி ஐஸ்வர்யா ராஜேஷை ஜெய் சந்திப்பதால் ஏற்படும் பழைய ஞாபகங்கள் மற்றும் குடும்பத்தில் ஏற்படும் பிரச்சனை ஆகியவற்றை உணர்வுபூர்வமாக சொல்லி இருக்கும் கதை தான் ‘தீராக்காதல்’
ஜெய், ஐஸ்வர்யா ராஜேஷ், ஸ்வேதா உள்பட பலர் நடிப்பில் உருவான இந்த படத்தை ரோஹின் வெங்கடேசன் இயக்கி உள்ளார். சித்து குமார் இசையில் ரவிவர்மன் நீலமேகம் ஒளிப்பதிவில் பிரசன்னா படத்தொகுப்பில் இந்த படம் உருவாகியுள்ளது. லைகா நிறுவனத்தின் சுபாஷ்கரன் தயாரிப்பில் உருவாகிய இந்த படம் காதலர்களின் வரவேற்பை பெறும் என்று எதிர்பார்க்கப்படுகிறது.
நமக்கு பிடிச்சவங்களோட ஒரு இடத்துல இருக்கும் போது அந்த இடம் இன்னும் ரொம்ப அழகா இருக்கு.
முன்னெல்லாம் லவ்வர பார்த்த தான் பிரண்ட்ஸை கழட்டிவிட்டு விடுவீங்க, இப்ப எக்ஸ் லவ்வரை பார்த்தா கூட கழட்டி விட்டு விடுவீங்களா.
காதலி என்பவர் எப்போதும் காதலி தான், அவள் பிரண்டு மாதிரி என்று சொல்வதெல்லாம் போங்காட்டம்.
போன்ற வசனங்கள் டிரைலரில் இருக்கும் நிலையில் இந்த படம் பெரும் எதிர்பார்ப்பை ஏற்படுத்தியுள்ளது.