மிருதன்' ரன்னிங் டைம் மற்றும் ரிலீஸ் தேதி
- IndiaGlitz, [Monday,February 08 2016]
ஜெயம் ரவி நடிப்பில் இந்த ஆண்டு வெளிவரும் முதல் படமான 'மிருதன்' திரைப்படம் சமீபத்தில் சென்சார் செய்யப்பட்டு 'ஏ' சர்டிபிகேட் பெற்றது என்பதை ஏற்கனவே பார்த்தோம். இந்நிலையில் இந்த படத்தை ரிவைசிங் கமிட்டிக்கு எடுத்து செல்ல படக்குழுவினர் திட்டமிட்டதாக செய்திகள் வெளிவந்தது. ஆனால் தற்போது வந்த புதிய தகவலின்படி இந்த படத்தை 'ஏ' சர்டிபிகேட்டுடன் ரிலீஸ் செய்ய படக்குழுவினர் முடிவு செய்து ரிலீஸ் தேதியையும் அதிகாரபூர்வமாக அறிவித்துள்ளனர்.
'மிருதன்' திரைப்படம் வரும் 19ஆம் தேதி ரிலீஸ் ஆகவுள்ளது. இந்த தகவலை உறுதிப்படுத்தும் வகையில் ரிலீஸ் தேதியுடன் கூடிய போஸ்டரும் இணையதளங்களில் வெளியாகியுள்ளது. மேலும் இந்த திரைப்படம் 108 நிமிடங்கள் அதாவது 1 மணி நேரம் 48 நிமிடங்கள் ஓடுகின்றது என்பது குறிப்பிடத்தக்கது.
ஜெயம் ரவி, லட்சுமிமேனன் உள்பட பலர் நடித்துள்ள இந்த திரைப்படத்தை சக்தி செளந்திரராஜன் இயக்கியுள்ளார். தமிழில் வெளியாகும் முதல் ஜோம்பி திரைப்படமான இந்த படத்திற்கு டி.இமான் இசையமைத்துள்ளார் என்பது குறிப்பிடத்தக்கது.