ஜெயம் ரவியுடன் முடியும் 2015, பரத்துடன் ஆரம்பிக்கும் 2016
- IndiaGlitz, [Saturday,December 26 2015]
2015ஆம் ஆண்டின் ஹீரோ யார்? என்றால் திரையுலகை சேர்ந்தவர்கள் யோசிக்காமல் சொல்லும் நடிகரின் பெயர் கண்டிப்பாக ஜெயம் ரவியாகத்தான் இருக்கும். தனி ஒருவன், பூலோகம், ரோமியோ ஜூலியட், சகலகலா வல்லவன் ஆகிய நான்கு வெற்றி படங்களை இவ்வருடம் கொடுத்துள்ளார். அதிலும் குறிப்பாக 'தனி ஒருவன்' திரைப்படம் இந்த ஆண்டின் சூப்பர் ஹிட் படங்களில் ஒன்று என்பது குறிப்பிடத்தக்கது.
இந்நிலையில் ஜெயம் ரவி தற்போது நடித்து வரும் 'மிருதன்' படத்தின் டிரைலர் இவ்வருடத்தின் கடைசி நாளில் அதாவது டிசம்பர் 31ஆம் தேதி வெளிவருகிறது. அதேபோல் 2016ஆம் ஆண்டின் முதல் நாளில் அதாவது ஜனவரி 1ஆம் தேதி பரத் நடித்த 'என்னோடு விளையாடு' என்ற படத்தின் டிரைலர் வெளியாகிறது. இந்த படத்தில் நடிகர் கதிர் முக்கிய வேடம் ஒன்றில் நடித்துள்ளார்.
எனவே இந்த வருடம் ஜெயம் ரவியோடு முடிந்து, அடுத்த வருடம் பரத்துடன் ஆரம்பமாகிறது.