పెళ్లి చేసుకున్న జె.డి చక్రవర్తి..!
- IndiaGlitz, [Friday,August 19 2016]
తెలుగు సినిమా న‌డ‌త‌ను మార్చిన సంచ‌ల‌న చిత్రం శివ ద్వారా తెలుగు తెర‌కు ప‌రిచ‌య‌మైన న‌టుడు జె.డి.చక్రవర్తి. ఆత‌ర్వాత హీరోగా, ద‌ర్శ‌కుడుగా త‌న‌కంటూ ఓ ప్ర‌త్యేక‌త ఏర్ప‌రుచుకున్నాడు. అయితే...జె.డి చక్రవర్తి ఎందుక‌నో పెళ్లి గురించి ఎప్పుడు ప్ర‌స్తావ‌న వ‌చ్చినా...ఆ ఆలోచ‌న లేదు అని చెప్పేవారు.
అందుక‌నే ఇన్నాళ్లు జె.డి. పెళ్లి అనేది స‌మాధానం లేని ప్ర‌శ్న‌లా మిగిలిపోయింది. ఎప్ప‌టికైనా స‌మాధానం దొరుకుతుందేమో అని జె.డి క‌నిపిస్తే చాలు...మీడియా ప్ర‌తినిధులు, సినీ ప్ర‌ముఖులు, స‌న్నిహితులు పెళ్లి ఎప్పుడు అని అడిగేవారు. ఇక లాభం లేదు అనుకున్నారో...లేక త‌ల్లి మాట కాద‌న‌లేక‌పోయారో కానీ...జె.డి సైలెంట్ గా పెళ్లి చేసుకున్నారు. కుటుంబ స‌భ్యులు, స‌న్నిహితుల స‌మ‌క్షంలో జె.డి న‌టి అనుకృతిని పెళ్లి చేసుకున్నారు. ఇన్నాళ్లు పెళ్లికి దూరంగా ఉన్న జె.డి దాదాపు 46 సంవ‌త్స‌రాల వ‌య‌సులో పెళ్లి చేసుకోవ‌డం విశేషం..!