சூப்பர் ஸ்டார் ரஜினிக்கு ஆதரவாக குரல் எழுப்பிய ஜீவா
- IndiaGlitz, [Sunday,May 21 2017]
சூப்பர் ஸ்டார் ரஜினிகாந்த் பேசிய அரசியல் வருகை குறித்த பேச்சுக்கு கடந்த சில நாட்களாக பல்வேறு தலைவர்கள் தங்களுடைய கருத்தை தெரிவித்து வருகின்றனர். ஆளும் கட்சி தலைவர்கள் உள்பட பல தலைவர்கள் ரஜினியின் அரசியல் வருகையை ஆதரிப்பாக கூறி வரும் நிலையில் ஒருசில தலைவர்கள் மட்டும் ரஜினிக்கு எதிர்ப்பு தெரிவித்து வருகின்றனர். குறிப்பாக நாம் தமிழர் கட்சியின் சீமான் ரஜினிக்கு கடும் எதிர்ப்பு தெரிவித்து வருகிறார்.
தமிழகத்தை தமிழர் மட்டுமே ஆள வேண்டும், ரஜினி தமிழகத்தில் கோடி கோடியாய் சம்பாதிக்கட்டும், தமிழக மக்களுக்கு சேவை செய்யட்டும் ஆனால் முதல்வராகி தமிழர்களை ஆள வேண்டும் என்று மட்டும் நினைக்க வேண்டாம், தமிழர்களை ஒரு தமிழன் தான் இனி ஆள வேண்டும் என்று கூறி வருகிறார். அதுமட்டுமின்றி ரஜினிகாந்த் 'கபாலி' படத்திற்கு வாங்கிய சம்பளத்தை வெளிப்படையாக சொல்வாரா? என்றும் அவர் கேள்வி கேட்டு வருகிறார்.
இந்த நிலையில் சீமானின் கேள்விக்கு லொள்ளுசபா ஜீவா, சீமான் அவர்களே இதுவரை வெளிநாடுகளில் இருந்து நீங்கள் கட்சிக்கு நன்கொடையாக வாங்கிய பணத்தை வெளிப்படையாக கணக்கு காட்டுவீர்களா? என்று பதில் கேள்வி கேட்டுள்ளார். ஜீவாவின் இந்த கேள்விக்கு சீமான் பதில் சொல்வாரா? என்பதை பொறுத்திருந்து பார்ப்போம்.