డిసెంబర్ 30న జీవా - కాజల్ 'ఎంతవరకు ఈ ప్రేమ'
- IndiaGlitz, [Tuesday,December 20 2016]
'రంగం' సూపర్ హిట్ తో తెలుగు ప్రేక్షకులకు సుపరచితుడైన జీవా హీరోగా, గ్లామర్ డాల్ కాజల్ అగర్వాల్ హీరోయిన్ గా రూపొందుతోన్న రొమాంటిక్ కామెడి ఎంటర్ టైనర్ 'కావలై వేండాం' తెలుగులో 'ఎంతవరకు ఈ ప్రేమ' టైటిల్ తో డి.వి.సినీ క్రియేషన్స్ అధినేత డి.వెంకటేష్ అందిస్తున్నారు. 'యామిరుక్క బ‌య‌మేన్‌' ఫేమ్ డీకే దర్శకత్వం వ‌హిస్తున్నారు. సెన్సార్ కంప్లీట్ చెసుకున్న ఈ సినిమాకు యు/ఎ సర్టిఫికెట్ వచ్చింది. ఈనెల 30న ప్రేక్ష‌కుల ముందుకు వ‌స్తోంది.
ఈ సంద‌ర్భంగా డి.వి.సినీ క్రియేషన్స్ అధినేత డి.వెంకటేష్ మాట్లాడుతూ “ రంగం చిత్రం తెలుగులో ఎంత పెద్ద విజయాన్ని సాధించిందో అందరికీ తెలిసిందే. ఆ చిత్రంలో హీరోగా నటించిన జీవా, స్టార్ హీరోయిన్ కాజల్ అగర్వాల్ కాంబినేషన్ అంటేనే మంచి అంచనాలు ఏర్పడ్డాయి. అలాగే ఇటీవల విడుదలైన ఈ సినిమా ట్రైలర్, పాట‌ల‌కు యూత్ నుంచి మంచి రెస్పాన్స్ వ‌స్తోంది. ముఖ్యంగా కాజల్ అగర్వాల్ పై చిత్రీక‌రించిన గ్లామర్ స‌న్నివేశాలు యూత్ ను వీప‌రీతంగా ఆక‌ట్టుకుంటాయి. ఇప్ప‌టికే ఆమెకు తెలుగులో మంచి ఫాలోయింగ్ ఉంది. ఈ సినిమాతో ఆ ఫాలోయింగ్ మ‌రింత రెట్టింపు అవుతుంది.
ఈ సినిమా హక్కులను ద‌క్కించుకోవ‌డం కోసం ట‌ఫ్ పోటీ ఎదురైన‌ప్ప‌టికీ ఫ్యాన్సీ రేటు చెల్లించి హక్కులను సొంతం చేసుకున్నాను. తమిళ్ తో పాటు తెలుగులో సైతం ఒకెసారి విడుదల చెయాలనుకున్నా, సమయానికి తెలుగు సెన్సార్ అవ్వక పోవటంతొ తెలుగు వెర్షన్ రిలీజ్ లేటయింది. ఈ రోజు సెన్సార్ యు/ఎ సర్టిఫికెట్ వచ్చింది. డిసెంబర్ 30న సినిమాను విడుదల చేయడానికి సన్నాహాలు చెస్తున్నాము. 'రంగం' చిత్రాన్ని త‌మిళంలో నిర్మించిన ఎల్రెడ్ కుమార్ ఈ సినిమాను కూడా త‌మిళంలో నిర్మించటం విశేషమని అన్నారు.
ఈ చిత్రంలో బాబీ సింహా, శృతి రామకృష్ణన్, సునయన, మంత్ర తదితరులు ఇతర ముఖ్య పాత్రలు పోషిస్తున్నారు. ఈ చిత్రానికి ఎడిటింగ్: టి.ఎస్.సురేష్..