ரைசாவை வம்புக்கு இழுக்கும் ஜூலி-காயத்ரி!
- IndiaGlitz, [Monday,July 31 2017]
பிக்பாஸ் நிகழ்ச்சியின் பங்கேற்பாளர்களான காயத்ரி மற்றும் ஜூலி ஆகிய இருவருமே மற்ற பங்கேற்பாளர்களை குறிப்பாக ஓவியாவை கட்டம் கட்டி வெளியேற்ற முயற்சி செய்து வருகின்றனர். ஆனால் ஓவியா இதற்கெல்லாம் அசருகிற ஆளாய் தெரியவில்லை. அவர் தைரியமுடனும், புன்னகையுடனும் தனக்கு வரும் சோதனைகளை எதிர்கொண்டு வருகிறார்.
இந்த நிலையில் ஓவியாவிடம் இனிமேல் நமது வேலை பலிக்காது என்று முடிவு செய்துவிட்ட ஜூலியும் காயத்ரியும், தற்போது இதுவரை நெருக்கமாக இருந்த ரைசாவை வம்புக்கு இழுக்கின்றனர்.
சற்றுமுன் வெளியான புரமோ வீடியோவில் ஓவியா, பிந்துமாதவி முன்னிலையில் ரைசாவில் மறைமுகமாக கேலி செய்யும் வகையில் ஜூலியும் காயத்ரியும் பாட்டுபாட அதை ரைசா முறைத்து பார்த்து கொண்டிருக்கின்றார்.
மேலும் அடுத்த காட்சியில் 'ரைசாவை இங்க வாங்க பேசலாம் என காயத்ரியும் ஜூலியும் அழைக்க, 'வந்துட்டா வம்பு இழுக்கக்கூடாது' என்று இருவரையும் ரைசா எச்சரிப்பது போன்று முடிகிறது. இந்த நிலையில் புதியதாக வந்த பிந்துமாதவியும் ஓவியாவும் புதிய கூட்டணி அமைத்துள்ளதாகவும் இந்த புரமோவில் இருந்து தெரிகிறது.
இன்று #VivoBiggBoss இல்.. @Vivo_India #BiggBossTamil - இரவு 9 மணிக்கு உங்கள் விஜயில்.. pic.twitter.com/o1cgUhyefU
— Vijay Television (@vijaytelevision) July 31, 2017