close
Choose your channels

జూనియ‌ర్ బెల్లం క‌మింగ్‌!

Monday, August 19, 2019 • తెలుగు Comments

జూనియ‌ర్ బెల్లం క‌మింగ్‌!

బెల్లంకొండ జూనియ‌ర్... బెల్లంకొండ గ‌ణేష్ హీరోగా ఎంట్రీ ఇవ్వ‌డానికి స‌ర్వం సిద్ధ‌మ‌వుతోంది. ఒక‌ప్పుడు బొద్దుగా, ప్రొడ‌క్ష‌న్ వైపు బిజీగా ఉన్న ఈ బాబు త్వ‌ర‌లోనే హీరోగా ఎంట్రీ ఇవ్వ‌డానికి అన్నీ ప‌నులు చ‌క‌చ‌కా సాగుతున్నాయి. ఆల్రెడీ బెల్లంకొండ సీనియ‌ర్ సాయిశ్రీనివాస్ హీరోగా నిల‌దొక్కుకున్నారు. ఆయ‌న సినిమాల హిందీ డ‌బ్బింగ్ రైట్స్ కు మంచి డిమాండే ఉంది. ఈ నేప‌థ్యంలో అన్న‌ను ఇన్‌స్పిరేష‌న్‌గా తీసుకున్న గ‌ణేష్ బాగా స‌న్న‌గా, నాజూగ్గా త‌యార‌య్యారు. తేజ ద‌ర్శ‌క‌త్వంలో ఇత‌ను హీరోగా ఎంట్రీ ఇస్తాడ‌ని అంతా అనుకున్నారు.

అయితే ఇప్పుడు ఆ ఛాన్స్ ప‌వ‌న్ సాదినేనికి ద‌క్కింది. ప‌వ‌న్ సాదినేని గ‌తంలో `ప్రేమ ఇష్క్ కాద‌ల్‌`ను తెర‌కెక్కించిన ద‌ర్శ‌కుడు  గ‌త కొన్ని నెల‌లుగా ఇత‌ను ప‌లు క‌థ‌లు చెప్పాడ‌ట గ‌ణేష్‌కు. ఫైన‌ల్‌గా ఒక స్క్రిప్ట్ ను లాక్ చేసిన‌ట్టు తెలుస్తోంది. ప్ర‌స్తుతం ఆ సినిమాకు సంబంధించిన ప్రీ ప్రొడ‌క్ష‌న్ ప‌నులు జ‌రుగుతున్నాయి. ప‌వ‌న్ సాదినేనికి ఆల్రెడీ బెక్కం వేణుగోపాల్ అడ్వాన్స్ ఇచ్చార‌ట‌. సో ఇప్పుడు బెల్లంకొండ త‌న సొంత సంస్థ‌తో పాటు, బెక్కం వేణుగోపాల్‌తో క‌లిసి త‌న త‌న‌యుడి సినిమాను రూపొందిస్తార‌ని టాక్‌.

Get Breaking News Alerts From IndiaGlitz