close
Choose your channels

'தலைவி' படத்தில் நடிக்க மறுத்த பிரபல ஹீரோ!

Thursday, November 21, 2019 • தமிழ் Comments

முன்னாள் முதல்வர் ஜெயலலிதா வாழ்க்கை வரலாறு திரைப்படத்தை ஒரே நேரத்தில் 3 இயக்குனர்கள் இயக்கி வருகின்றனர் என்பது தெரிந்ததே. அவற்றில் ஒன்று இயக்குனர் ஏஎல் விஜய் இயக்கி வரும் ’தலைவி’ என்ற திரைப்படம் ஆகும். ஜெயலலிதா கேரக்டரில் பிரபல பாலிவுட் நடிகை கங்கனா ரனாவத் நடிக்கும் இந்த படத்தில் எம்ஜிஆர் கேரக்டரில் நடிகர் அரவிந்த்சாமி நடித்து வருகிறார்.

இந்தப் படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தில் எம்ஜிஆர் உடன் பணிபுரிந்தவர்கள், எம்ஜிஆரின் சக கலைஞர்கள் சிலரின் கேரக்டர்களும் படத்தில் இருப்பதாகவும் அவற்றில் முக்கியமாக என்டி ராமராவ் கேரக்டர் படத்தில் இருப்பதாகவும் கூறப்படுகிறது.

இதனை அடுத்து என்டி ராமராவ் கேரக்டரில் நடிக்க பிரபல தெலுங்கு நடிகருமான  என்டிஆரின் பேரனுமான ஜூனியர் என்.டி.ஆரை நடிக்க வைக்க முயற்சிகள் மேற்கொள்ளப்பட்டது. ஆனால் தனது தாத்தா வேடத்தில் தன்னால் நடிக்க முடியாது என்றும், தன்னால் மட்டுமின்றி அவரைப் போல் யாராலும் நடிக்க முடியாது என்றும் கூறி அவர் நடிக்க மறுத்து விட்டதாக செய்திகள் வெளியாகியுள்ளது. இதனை அடுத்து இந்த கேரக்டர் படத்தில் இருக்குமா என்ற சந்தேகம் எழுந்துள்ளது.
 

Get Breaking News Alerts From IndiaGlitz