జో ఫస్ట్ లుక్ రిలీజ్ చేశారు...టైటిల్...
- IndiaGlitz, [Wednesday,March 01 2017]
విల‌క్ష‌ణ కాన్సెప్ట్‌ల‌తో సినిమాల‌ను తెర‌కెక్కించే ద‌ర్శ‌కుడు బాల. బాల దర్శకత్వంలో వ‌చ్చిన సినిమాలు త‌మిళం నుండి తెలుగులోకి అనువాద‌మైన శివ‌పుత్రుడు, వాడు-వీడు, నేనే దేవుణ్ణి చిత్రాలు మంచి ఆద‌ర‌ణ పొందాయి. ఇప్పుడు ఈ విల‌క్ష‌ణ ద‌ర్శ‌కుడి దర్శకత్వంలో జ్యోతిక న‌టిస్తుంది. హీరోయిన్స్‌ను డీ గ్లామ‌ర్ రోల్స్‌లో చూపించే బాల అస‌లు జ్యోతిక‌ను ఎలా చూపిస్తాడోన‌ని అంద‌రూ ఆస‌క్తిగా ఎదురుచూశారు. కానీ బాల ఈసారి స్టైల్ మార్చినట్లు క‌న‌ప‌డుతుంది. జ్యోతిక కొత్త లుక్‌ను విడుదల చేశారు.
'నాచియార్' అనే టైటిల్‌తో ఈ సినిమా రానుంది. నాచియార్ అంటే మ‌న తెలుగులో మ‌నం స్త్రీల‌ను రెడ్డెమ్మ, నాయుడమ్మ అనే పిలుస్తుంటాం..క‌దా..అలాగే త‌మిళంలో నాచియార్ అని అంటుంటారు. ఈ నాచియార్ సినిమాను హీరో సూర్య‌నే త‌న స్వంత నిర్మాణ సంస్థ 2డి ఎంట‌ర్‌టైన్మెంట్‌లో నిర్మించ‌బోతున్నాడ‌ట.