close
Choose your channels

'தலைவர் 168' படத்தில் இணைந்த 'கபாலி' நடிகர்!

Thursday, December 19, 2019 • தமிழ் Comments

சூப்பர் ஸ்டார் ரஜினிகாந்த் நடிப்பில் சிறுத்தை சிவா இயக்கத்தில் சன் பிக்சர்ஸ் தயாரித்து வரும் பிரமாண்டமான திரைப்படமான ’தலைவர் 168’ படத்தின் படப்பிடிப்பு நேற்று ஐதராபாத்தில் உள்ள ராமோஜி பிலிம் சிட்டியில் தொடங்கியது என்பதை பார்த்தோம்.

நேற்றைய முதல் நாள் படப்பிடிப்பில் ரஜினிகாந்த் உள்பட பலர் கலந்து கொண்ட நிலையில் இந்த படத்தில் ’கபாலி’ உள்பட ஒருசில படங்களில் நடித்த விஸ்வநாத் என்ற நடிகரும் இணைந்துள்ளார். இதுகுறித்து விஸ்வநாத் தனது சமூக வலைதளப் பக்கத்தில் கூறியதாவது:

’தலைவர் 168’ படத்தின் முதல்நாள் படப்பிடிப்பில் நான் கலந்து கொண்டதை நினைத்து பெருமை அடைகிறேன். இந்த படத்தில் நடிக்க வாய்ப்பு கிடைத்ததை நினைத்து நான் தினந்தோறும் மகிழ்ச்சி அடைந்து வருகிறேன். உலகில் ஒரே ஒரு சூப்பர் ஸ்டார் ரஜினிகாந்த் அவர்களுடன் ஏற்கனவே நான் ’கபாலி’ படத்தில் நடித்துள்ளேன். தற்போது மீண்டும் அவருடன் நடிக்கும் வாய்ப்பை கொடுத்த சிறுத்தை சிவா அவர்களுக்கு எனது நன்றி தெரிவித்துக் கொள்கிறேன் என்று விஸ்வநாத் தெரிவித்துள்ளார்.

நடிகர் ’கபாலி’ ஏற்கனவே சண்டக்கோழி-2 படத்தில் வரலட்சுமியின் கணவராகவும் மற்றும் ஒரு சில படங்களில் முக்கிய கேரக்டரிலும் நடித்துள்ளார் என்பது குறிப்பிடத்தக்கது.
 

Get Breaking News Alerts From IndiaGlitz