కాళ‌హ‌స్తిలో కబాలి పూజ‌లు..
- IndiaGlitz, [Thursday,July 21 2016]
సూపర్ స్టార్ రజనీకాంత్ నటించిన సంచలన చిత్రం కబాలి రేపు ప్రపంచ వ్యాప్తంగా రిలీజ్ అవుతుంది. యువ దర్శకుడు రంజిత్ ద‌ర్శ‌క‌త్వంలో భారీ చిత్రాల నిర్మాత క‌లై ఫులి ఎస్ థాను ప్ర‌తిష్టాత్మ‌కంగా ఈ చిత్రాన్ని నిర్మించారు. ఈ చిత్రంలో ర‌జ‌నీ స‌ర‌స‌న రాధికా ఆప్టే న‌టించారు. టీజ‌ర్ నుంచి మూవీ రిలీజ్ వరకు ఎవ‌రూ ఊహించ‌ని రికార్డులు సొంతం చేసుకున్న కబాలి సినిమా భార‌తీయ సినీ చ‌రిత్ర‌లో ఓ పెను సంచ‌ల‌నం.
100 కోట్ల బ‌డ్జెట్ తో రూపొందిన కబాలి 200 కోట్ల బిజినెస్ చేసింది. 500 కోట్లకు పైగా వ‌సూలు చేస్తుంద‌ని అంచ‌నా. ఇంత‌టి భారీ చిత్రాన్ని నిర్మించిన కబాలి నిర్మాత క‌లై ఫులి ఎస్ థాను ఈరోజు శ్రీకాళ‌హ‌స్తి లో రజనీకాంత్ పేరు మీద రుద్రాభిషేకం పేరుతో ప్ర‌త్యేక పూజ‌లు చేయించారు. రిలీజ్ కి ముందే ఇంత‌టి సెన్సేష‌న్ క్రియేట్ చేసిన కబాలి రిలీజ్ త‌ర్వాత ఎంత‌టి సెన్సేష‌న్ క్రియేట్ చేస్తుందో చూడాలి.