అభిషేక్ పిక్చ‌ర్స్ ద్వారా క‌బాలి రిలీజ్
- IndiaGlitz, [Tuesday,July 19 2016]
సూప‌ర్ స్టార్ ర‌జ‌నీకాంత్ న‌టించిన క‌బాలి చిత్రం ఈ నెల 22న ప్ర‌పంచ వ్యాప్తంగా రిలీజ్ అవుతున్న విష‌యం తెలిసిందే. సంచ‌ల‌నాల క‌బాలి చిత్రాన్ని ఎన్నో విజ‌య‌వంత‌మైన చిత్రాల‌ను నైజాంలో పంపిణీ చేసిన అభిషేక్ పిక్చ‌ర్స్ రిలీజ్ చేస్తుంది. భారీ మొత్తం చెల్లించి క‌బాలి రైట్స్ ను అభిషేక్ పిక్చ‌ర్స్ ద‌క్కించుకుంది.
నైజాంలో తెలుగు, త‌మిళ్, హిందీ భాష‌ల్లో క‌బాలి చిత్రాన్ని 333 థియేట‌ర్స్ లో రిలీజ్ చేస్తుండ‌డం విశేషం. భారీ బ‌డ్జెట్ తో క‌లై ఫులి ఎస్ థాను నిర్మించిన క‌బాలి చిత్రాన్ని యువ ద‌ర్శ‌కుడు రంజిత్ తెర‌కెక్కించారు. ర‌జ‌నీ గెట‌ప్ & టీజ‌ర్ సినిమా పై భారీ అంచ‌నాల‌ను రెట్టింపు చేసింది. ఒక్క త‌మిళ‌నాడులోనే కాకుండా తెలుగు, మ‌ల‌యాళ, క‌న్న‌డ భాష‌ల్లో కూడా క‌బాలి పై మంచి క్రేజ్ ఏర్ప‌డింది. రిలీజ్ కి ముందే దాదాపు 200 కోట్ల బిజినెస్ చేయ‌డం విశేషం.