பிரபல மாஸ் நடிகரின் படம் ஒன்று 1000 கோடி ரூபாய்க்கு மேல் வசூல் செய்த நிலையில், அந்த நடிகருக்கு ஜோடியாக நடிக்க நடிகை காஜல் அகர்வால் ஒப்பந்தம் செய்யப்பட்டுள்ளதாக கூறப்படுவது ஆச்சரியத்தை ஏற்படுத்தியுள்ளது.

கன்னட திரையுலகின் பிரபல நடிகர் யாஷ் என்பதும், அவரது 'கேஜிஎப் 2' திரைப்படம் 2022 ஆம் ஆண்டு வெளியாகி 1000 கோடிக்கும் அதிகமாக வசூல் செய்தது என்பது தெரிந்தது.

இந்த நிலையில், அவர் தற்போது 'டாக்சிக்' என்ற படத்திலும், 'ராமாயணம்' என்ற படத்திலும் நடித்து வரும் நிலையில், 'ராமாயணம்' படத்தில் அவர் ராவணன் கேரக்டரில் நடித்து வருகிறார்.

இந்த படத்தில் ராமர் கேரக்டரில் ரன்பீர் கபூர், சீதையாக சாய்பல்லவி நடித்து வரும் நிலையில், இராவணன் கேரக்டரில் நடிக்கும் யாஷ் ஜோடியாக மண்டோதரி கேரக்டரில் காஜல் அகர்வால் நடிக்க ஒப்பந்தம் செய்யப்பட்டுள்ளதாக தகவல் வெளியாகியுள்ளது.

சில நாட்களுக்கு முன் அவருக்கு லூக் டெஸ்ட் எடுக்கப்பட்டதாகவும், சில காட்சிகளிலும் அவர் நடித்து காட்டியதில் இயக்குனருக்கு திருப்தி ஏற்பட்டதை அடுத்து, அவர் இந்த படத்தில் ஒப்பந்தம் செய்யப்பட்டதாகவும் கூறப்படுகிறது. இந்த படத்தில் நடிக்க அவருக்கு பெரும் தொகை சம்பளமாக வழங்கப்பட்டுள்ளதாகவும் கூறப்படுகிறது.

2026 ஆம் ஆண்டு தீபாவளி தினத்தில் இந்த படம் வெளியாக இருக்கும் நிலையில், இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.