close
Choose your channels

గుండె ప‌గిలిందంటూ ఎమోష‌న‌ల్ అయిన కాజ‌ల్‌

Wednesday, March 18, 2020 • తెలుగు Comments

గుండె ప‌గిలిందంటూ ఎమోష‌న‌ల్ అయిన కాజ‌ల్‌

ప్ర‌పంచాన్ని వ‌ణికిస్తోన్న క‌రోనా వైర‌స్‌ను ఆరిక‌ట్ట‌డానికి ప్ర‌భుత్వాలు ప‌లు చ‌ర్య‌లు తీసుకుంటున్నాయి. ఈ నేప‌థ్యంలో ప్ర‌జ‌ల‌ను ఎక్క‌డా బ‌య‌ట తిర‌గ‌వ‌ద్ద‌ని అంటున్నారు. ఆఫీసులు కూడా వ‌ర్క్ ఫ్ర‌మ్ హోమ్ ఇవ్వ‌డంతో అంద‌రూ ఇళ్ల‌కే ప‌రిమిత‌మ‌వుతున్నారు. ఈ క్ర‌మంలో త‌న‌కు ఎదురైన ఓ ఘ‌ట‌న‌ను హీరోయిన్ కాజ‌ల్ అగ‌ర్వాల్ త‌న ఇన్‌స్టా ద్వారా షేర్ చేసుకున్నారు. రోజువారి ఆదాయంతో కుటుంబాన్ని పోషించుకునేవారు ఈ ప‌రిస్థితుల్లో ప‌లు స‌మ‌స్య‌ల‌ను ఎదుర్కొంటున్నార‌ని కాజ‌ల్ త‌న‌కు ఎదురైన ఘ‌ట‌న ద్వారా తెలిపారు.

‘‘సామాన్య‌మైన ప్ర‌జ‌లు క‌రోనా వైర‌స్ కార‌ణంగా తీవ్ర ఇబ్బందుల‌ను ఎదుర్కొంటున్నారు. ఓ క్యాబ్ డ్రైవ‌ర్ నా ముందు నిల‌బ‌డి క‌న్నీళ్లు పెట్టుకున్నాడు. క‌రోనా కార‌ణంగా త‌న‌కు బేరాల్లేవ్‌. 48 గంట‌ల్లో నేనే త‌న తొలి క‌స్ట‌మ‌ర్ అని చెప్పుకుని ఏడ్చాడు. రోజువారి ఆదాయంతో కుటుంబాల‌ను పోషించుకునే వారి జీవితాలు చాలా స‌మ‌స్యాత్మ‌కంగా మారాయి. నేను ఆ క్యాబ్ డ్రైవ‌ర్‌కి రూ.500 ఇచ్చాను. ఇలా మ‌నం ఇవ్వ‌డం మ‌న‌కు పెద్ద స‌మ‌స్య కాక‌పోవ‌చ్చు. ద‌య‌చేసి చిన్న దుకాణ‌దారులకు, క్యాబ్ డ్రైవ‌ర్స్‌కు కాస్త ఎక్కువ డ‌బ్బులు ఇవ్వండి. ఆరోజు మీరే వారికి చివ‌ర క‌స్ట‌మ‌ర్ కావ‌చ్చు’’ అంటూ కాజ‌ల్ తెలిపారు.

Get Breaking News Alerts From IndiaGlitz