முதல் வருட திருமண நாள்: காஜல் அகர்வாலின் க்யூட் இன்ஸ்டாகிராம் பதிவு!
- IndiaGlitz, [Sunday,October 31 2021]
பிரபல நடிகை காஜல் அகர்வால் திருமணமாகி ஓராண்டு நிறைவு பெற்றதை அடுத்து தனது கணவருக்கு க்யூட்டான இன்ஸ்டாகிராம் மெசேஜ் ஒன்றை பதிவு செய்திருப்பது வைரலாகி வருகிறது.
பிரபல நடிகை காஜல் அகர்வாலுக்கும் மும்பை தொழிலதிபர் கௌதம் என்பவருக்கும் கடந்த ஆண்டு அக்டோபர் 30-ம் தேதி மும்பையில் மிக எளிமையாக திருமணம் நடந்தது. இந்தத் திருமணம் நடந்து நேற்றுடன் ஒரு வருடம் நிறைவு பெற்றதை அடுத்து காஜல் அகர்வால் தனது இன்ஸ்டாகிராம் பக்கத்தில் க்யூட்டான ரொமான்ஸ் பதிவு ஒன்றை பதிவு செய்துள்ளார்.
அதில் ’நடுராத்திரி எழுந்து விழித்து இருக்கின்றீர்களா? இந்த நாய்க்குட்டி வீடியோவை பாருங்கள் என உங்கள் காதில் கிசுகிசுக்கும் போது உங்களை நான் மிகவும் நேசிக்கிறேன். நமக்கு நடந்த இந்த திருமணத்துக்கு ஒரு ஆண்டு நிறைவடைந்தது’ என்று கூறியுள்ளார். இத்துடன் ரொமான்ஸ் புகைப்படம் ஒன்றையும் அவர் பதிவு செய்துள்ள நிலையில் அந்த புகைப்படமும் அவருடைய பதிவும் தற்போது வைரலாகி வருகிறது என்பது குறிப்பிடத்தக்கது.
நடிகை காஜல் அகர்வால் தற்போது ’ஹே சினாமிகா’, ‘கருங்கல்பாளையம்’, ‘ கோஸ்ட்டி’ ‘இந்தியன் 2’ மற்றும் ’பாரிஸ் பாரிஸ்’ ஆகிய திரைப்படங்களில் நடித்து வருகிறார் என்பது குறிப்பிடத்தக்கது.