అంత కంటే బర్త్ డే గిఫ్ట్ ఏం కావాలంటున్న కాజల్...
- IndiaGlitz, [Monday,June 19 2017]
మూడు ప‌దులు వ‌యసు దాటినా అంద‌చందాల‌తో ప్రేక్ష‌కుల‌ను మైమ‌రిపిస్తున్న కాజల్ అగర్వాల్ ఇప్పుడు నేనే రాజు నేనే మంత్రి సినిమాలో రాధ అనే పాత్ర‌లో న‌టించింది. రానా హీరోగా తేజ ద‌ర్శ‌క‌త్వంలో రూపొందిన చిత్ర‌మిది. ల‌క్ష్మీ క‌ల్యాణం సినిమాతో కాజ‌ల్‌ను తెలుగు చిత్ర‌సీమ‌కు ప‌రిచ‌యం చేసింది తేజ. దాదాపు ప‌దేళ్ళ తర్వాత కాజల్ మ‌ళ్ళీ తేజ ద‌ర్శ‌క‌త్వంలో చేసిన సినిమా ఇది.
మ‌రో ఆస‌క్తిక‌ర‌మైన విష‌య‌మేమంటే ఈ చిత్రం కాజ‌ల్‌కు 50వ చిత్రం. రానాతో, తేజ‌తో క‌ల‌సి నేనే రాజు నేనే మంత్రి వంటి సినిమా చేయ‌డం చాలా ఆనందంగా ఉంద‌ని, ఇంత కంటే గొప్ప బ‌ర్త్‌డే గిఫ్ట్‌ను ఈ ఏడాది నేను కోరుకోవ‌డం లేదంటూ తెలియ‌జేసింది. రానా, కాజల్ జంట‌గా రూపొందిన ఈ పొలిటిక‌ల్ థ్రిల్ల‌ర్ ఇప్పుడు పోస్ట్ ప్రొడ‌క్ష‌న్ కార్య‌క్రమాల‌ను జ‌రుపుకుంటుంది.