'இந்தியன் 2' படத்தில் காஜல் அகர்வால் கெட்டப் இதுதான்: வைரலாகும் புகைப்படம்!
- IndiaGlitz, [Sunday,February 09 2020]
உலகநாயகன் கமலஹாசன் நடிப்பில், பிரம்மாண்ட இயக்குனர் ஷங்கர் இயக்கத்தில், லைகா நிறுவனத்தின் மிகப்பெரிய பட்ஜெட்டில் உருவாகி வரும் திரைப்படம் ’இந்தியன் 2’. சமீபத்தில் அறுவை சிகிச்சை செய்துகொண்ட கமலஹாசன் ஓய்வுக்குப் பின் தற்போது மீண்டும் இந்த படத்தின் படப்பிடிப்பில் இணைந்துள்ளதால் இந்த படத்தின் படப்பிடிப்பு சுறுசுறுப்பாகி உள்ளது.
தற்போது சென்னை அருகே உள்ள தனியார் ஸ்டுடியோவில் இந்த படத்தின் படப்பிடிப்பு விறுவிறுப்பாக நடைபெற்று வருகிறது. கமலஹாசன் மற்றும் காஜல் அகர்வால் சம்பந்தப்பட்ட காட்சிகளின் படப்பிடிப்பு தற்போது நடைபெற்று வருவதாக தகவல்கள் வெளியாகி உள்ளது.
இந்த நிலையில் காஜல் அகர்வால் தனது கெட்ட குறித்த புகைப்படம் ஒன்றை வெளியிட்டுள்ளார். இந்த புகைப்படம் தற்போது இணையதளங்களில் வைரலாக வருகிறது. இருப்பினும் இந்த புகைப்படத்தில் காஜலின் முகம் தெரியவில்லை என்பதால் அவரது முழு கெட்டப் தெரியவில்லை என்பது குறிப்பிடத்தக்கது.
காஜல் அகர்வால் சம்பந்தப்பட்ட காட்சிகள் இந்த படத்தின் ஹைலைட்டாக இருக்கும் என்றும் இந்த படம் அவருக்கு பெரிய திருப்புமுனையை கொடுக்கும் என்று எதிர்பார்க்கப்படுகிறது. அனிருத் இசையில் உருவாகிவரும் இந்த படம் 2021 ஆம் ஆண்டு கோடை விடுமுறையில் வெளியாகும் என்று எதிர்பார்க்கப்படுகிறது.
Super stoked to finally start filming for #Indian2 ! @shankarshanmugh @ikamalhaasan ?? @LycaProductions pic.twitter.com/pEEDRn4xnB
— Kajal Aggarwal (@MsKajalAggarwal) February 8, 2020