தளபதி விஜய் நடிப்பில், கலைப்புலி எஸ். தாணு தயாரிப்பில் உருவான ’சச்சின்’ என்ற திரைப்படம் வெளியாகி 20 வருடங்கள் ஆகியுள்ள நிலையில் இந்த படத்தின் ரீரிலீஸ் அறிவிப்பை தயாரிப்பாளர் தாணு தனது சமூக வலை தளத்தில் அறிவித்துள்ளார். இதனை விஜய் ரசிகர்கள் கொண்டாடி வருகின்றனர்.

கடந்த 2005 ஆம் ஆண்டு ஏப்ரல் 14ஆம் தேதி வெளியான திரைப்படம் ’சச்சின்’ என்பதும், ரூ.6 கோடி பட்ஜெட்டில் தயாரிக்கப்பட்ட இந்த படம் ரூ.24 கோடி வசூல் செய்து சாதனை செய்தது என்பதும் குறிப்பிடத்தக்கது.

விஜய், ஜெனிலியா, பிபாஷா பாசு, வடிவேலு, சந்தானம், ரகுவரன், தலைவாசல் விஜய் உள்பட பலர் நடிப்பில் உருவான இந்த படத்தை, பிரபல இயக்குனர் மகேந்திரனின் மகன் ஜான் இயக்கியிருந்தார் என்பதும், தேவி ஸ்ரீ பிரசாத் இந்த படத்திற்கு இசையமைத்திருந்தார் என்பதும் குறிப்பிடத்தக்கது.

இந்த நிலையில், ’சச்சின்’ படம் வெளியாகி 20 ஆண்டு நிறைவு பெறுவதை அடுத்து, இந்த படத்தை மீண்டும் திரையரங்கில் வெளியிட இருப்பதாக தயாரிப்பாளர் தாணு தனது சமூக வலைத்தளத்தில் அறிவித்துள்ளார். வரும் கோடை விடுமுறையில் இந்த படம் வெளியாகும் என்று தெரிவிக்கப்பட்டதோடு, விரைவில் ரிலீஸ் தேதி அறிவிக்கப்படும் என எதிர்பார்க்கப்படுகிறது.

ஏற்கனவே விஜய் நடித்த ’கில்லி’ திரைப்படம் ரீரிலீஸ் ஆகி வசூலில் மிகப்பெரிய சாதனை செய்த நிலையில், இந்த படமும் அதே சாதனை செய்யுமா என்பதை பொறுத்திருந்து பார்ப்போம்.

கோடையில் கொண்டாட்டம்❤️#SacheinRerelease

Thalapathy @actorvijay @Johnroshan @ThisIsDSP#Vadivelu @iamsanthanam@geneliad @bipsluvurself#ThotaTharani #VTVijayan#FEFSIVijayan @idiamondbabu@RIAZtheboss #SacheinMovie pic.twitter.com/5x6xYSWsbV

— Kalaippuli S Thanu (@theVcreations) February 11, 2025