கலைப்புலி எஸ் தாணு தயாரிப்பில் 2 படங்களில் நடிக்கும் மாஸ் நடிகர்!
- IndiaGlitz, [Monday,June 14 2021]
தமிழ் திரை உலகின் முன்னணி தயாரிப்பாளர் கலைப்புலி தாணு என்பதும் ரஜினிகாந்த், கமல்ஹாசன், விஜய் உள்பட பல முன்னணி நடிகர்களின் படங்களை இவர் தயாரித்துள்ளார் என்பது குறிப்பிடத்தக்கது. சமீபத்தில் தாணு அவர்களின் தயாரிப்பில் வெளியான ’அசுரன்’ திரைப்படம் மிகப் பெரிய வெற்றி பெற்றது என்பதும், தனுஷ் நடிப்பில் செல்வராகவன் இயக்கத்தில் ஒரு படத்தை தாணு தயாரிக்க உள்ளார் என்பது தெரிந்ததே
இந்த நிலையில் தற்போது தமிழ் சினிமாவின் மாஸ் நடிகர்களில் ஒருவரான விஜய் சேதுபதி நடிப்பில் உருவாகும் இரண்டு திரைப்படத்தை கலைப்புலி எஸ் தாணு தயாரிக்க உள்ளதாக செய்திகள் வெளியாகியுள்ளது. இதில் ஒரு படத்தை பிரபல இயக்குனர் சீனுராமசாமி இயக்க உள்ளதாக கூறப்படுகிறது. ஏற்கனவே சீனுராமசாமி இயக்கத்தில் ’தென்மேற்கு பருவக்காற்று’ ’தர்மதுரை’ ’இடம் பொருள் ஏவல்’ மற்றும் ’மாமனிதன்’ ஆகிய நான்கு படங்களில் விஜய் சேதுபதி நடித்துள்ள நிலையில் தற்போது ஐந்தாவது முறையாக நடிக்க உள்ளார் என்பது குறிப்பிடத்தக்கது
கலைப்புலி தாணு தயாரிப்பில் விஜய் சேதுபதி நடிக்கும் இரண்டாவது படம் குறித்த தகவல் பின்னர் வெளியாகும் என்று எதிர்பார்க்கப்படுகிறது,. தாணு-விஜய் சேதுபதி இணையும் இரண்டு படங்கள் அதிகாரப்பூர்வ அறிவிப்பு இன்னும் ஒரு சில நாட்களில் வெளியாகும் என்று எதிர்பார்க்கப்படுகிறது.