வெற்றி விழா மேடையில் இயக்குனருக்கு அடுத்த பட அட்வான்ஸ் கொடுத்த தாணு!
- IndiaGlitz, [Wednesday,April 27 2022]
அறிமுக இயக்குனர் இயக்கிய திரைப்படத்தின் வெற்றி விழா சமீபத்தில் கொண்டாடிய போது அந்த வெற்றி விழா மேடையிலேயே இயக்குநரின் அடுத்தப் படத்திற்கான அட்வான்சை கலைப்புலி எஸ் தாணு கொடுத்துள்ளார்.
அறிமுக இயக்குனர் மதிமாறன் இயக்கத்தில் ஜிவி பிரகாஷ் நடிப்பில் உருவான திரைப்படம் ’செல்பி’. இந்த திரைப்படம் சமீபத்தில் வெளியாகி மிகப்பெரிய வரவேற்பை பெற்றது என்பதும், இந்த படம் நல்ல லாபத்தை தயாரிப்பாளருக்கு கொடுத்தது என்பதும் தெரிந்ததே.
இந்த நிலையில் இந்த படத்தின் வெற்றி விழா கொண்டாடப்பட்ட போது அந்த வெற்றி விழா மேடையிலேயே தனது வி கிரியேஷன்ஸ் நிறுவனம் தயாரிக்கும் அடுத்த படத்தை இயக்குனர் மதிமாறன் இயக்க வேண்டும் என பத்து லட்ச ரூபாய் அட்வான்ஸ் கொடுத்தார் தயாரிப்பாளர் கலைப்புலி எஸ்.தானு.
மேலும் அவர் இந்த விழாவில் பேசியபோது, ‘செல்பி’ இயக்குனர் மதிமாறனை எனக்கு கொடுத்த வெற்றிமாறனுக்கு நன்றி என்றும் 38 நாட்களில் இந்த படத்தை சிறப்பாக மதிமாறன் எடுத்துக் கொடுத்ததற்காக அவரை நிறைய பாராட்டலாம் என்றும், இந்த படம் தனக்கு மிகப்பெரிய லாபம் ஈட்டியது என்றும், அதனால் அவருக்கு எங்கள் நிறுவனம் தயாரிக்க இருக்கும் அடுத்த படத்திற்கான அட்வான்ஸாக ரூ.10 லட்சம் கொடுக்கின்றேன் என்றும் கூறியுள்ளார்.