సెంటిమెంట్ ఫాలో అవుతున్న కళ్యాణ్ రామ్
- IndiaGlitz, [Saturday,October 03 2015]
నంద‌మూరి కళ్యాణ్ రామ్ హీరోగా న‌టించిన తాజా చిత్రం షేర్. ఈ చిత్రానికి మ‌ల్లిఖార్జున్ ద‌ర్శ‌క‌త్వం వ‌హించారు. కొమ‌ర వెంక‌టేష్ ఈ చిత్రాన్ని నిర్మించారు. తమన్ సంగీతం అందించిన షేర్ ఆడియోను ఈనెల 10న గ్రాండ్ గా రిలీజ్ చేయ‌డానికి స‌న్నాహాలు చేస్తున్నారు. అయితే షేర్ ఆడియో ఫంక్ష‌న్ వేదిక విషయంలో కళ్యాణ్ రామ్ సెంటిమెంట్ ఫాలో అవుతున్నట్టు అనిపిస్తుంది.
ఎందుకంటే...కళ్యాణ్ రామ్ న‌టించిన ప‌టాస్ ఆడియో వేడుకను పార్క్ హ‌య‌త్ లో నిర్వ‌హించారు.ఈ సినిమా ఎంత‌టి విజ‌యాన్ని సొంతం చేసుకుందో తెలిసిందే. ఇప్పుడు షేర్ సినిమా ఆడియో వేడుకను కూడా సెంటిమెంట్ గా పార్క్ హ‌య‌త్ లోనే ప్లాన్ చేస్తున్నార‌ట. ఈ చిత్రాన్ని ఈనెల 30న రిలీజ్ చేయ‌డానికి ఏర్పాట్లు చేస్తున్నారు. మ‌రి.. సెంటిమెంట్ ఫాలో అవుతున్న‌క‌ళ్యాణ్ రామ్ కి షేర్ స‌క్సెస్ ని అందిస్తుందేమో చూడాలి.