நயன்தாராவும் இல்லை, த்ரிஷாவும் இல்லை.. கமலுக்கு ஜோடி இந்த அஜித் பட நாயகி தான்..!
- IndiaGlitz, [Friday,April 28 2023]
உலகநாயகன் கமல்ஹாசனின் 234 வது திரைப்படத்தை மணிரத்னம் இயக்க இருக்கும் நிலையில் இந்த படத்தில் நாயகியாக நடிக்க நயன்தாரா மற்றும் த்ரிஷாவுடன் பேச்சுவார்த்தை நடத்தப்பட்டு வந்ததாக கூறப்பட்டது. இந்த நிலையில் ’கமல் 234 ’வருடத்தில் நாயகி ஆக நடிப்பது நயன்தாராவும் இல்லை, த்ரிஷாவும் இல்லை, அஜித் நடித்த ’நேர்கொண்ட பார்வை’ திரைப்படத்தில் நடித்த நடிகை தான் என்று கூறப்படுகிறது.
உலகநாயகன் கமல்ஹாசன் தற்போது ஷங்கர் இயக்கத்தில் உருவாகிவரும் ’இந்தியன் 2’ என்ற படத்தில் நடித்து வருகிறார் என்பதும் இந்த படத்தின் படப்பிடிப்பு இறுதி கட்டத்தில் உள்ளது என்பதும் தெரிந்ததே. இந்த நிலையில் கமல்ஹாசன் அடுத்ததாக நடிக்க இருக்கும் படங்களில் ஒன்று மணிரத்னம் இயக்கத்தில் உருவாக இருக்கும் ’கமல் 234’.
இந்த படத்தின் படப்பிடிப்பை விரைவில் மணிரத்னம் தொடங்க இருப்பதாக கூறப்படும் நிலையில் படத்தின் நாயகியாக நயன்தாரா நடிப்பார் என்றும் முதல் முறையாக அவர் கமலஹாசனுடன் ஜோடி சேர உள்ளதாகவும் கூறப்பட்டது. அதேபோல் கமல்ஹாசனுடன் ஏற்கனவே ’மன்மதன் அன்பு’ ’தூங்காவனம்’ ஆகிய படங்களில் நடித்த த்ரிஷா நடிக்க இருப்பதாகவும் கூறப்பட்டது.
இந்த நிலையில் தற்போது வெளிவந்திருக்கும் தகவலின்படி அஜித் நடித்த ’நேர்கொண்ட பார்வை’ என்ற தமிழ் படத்திலும் பல பாலிவுட் திரைப்படங்களில் நடித்த வித்யா பாலன் நடிக்க இருப்பதாகவும் இது குறித்து அவரிடம் பேச்சுவார்த்தை நடத்தப்பட்டு வருவதாகவும் கூறப்படுகிறது. இருப்பினும் இது குறித்த அதிகாரபூர்வ அறிவிப்பு வெளியாகும் வரை பொறுமை காப்போம்