విశాల్ స‌ర‌స‌న క‌మ‌ల్ త‌న‌య
- IndiaGlitz, [Saturday,October 08 2016]
హీరో విశాల్ ప్ర‌స్తుతం ఒక్కడొచ్చాడు(త‌మిళంలో కత్తిసండై) సినిమాను విడుదల చేసే ప‌నిలో బిజీగా ఉన్నాడు. ఈ సినిమా త‌ర్వాత విశాల్ మిస్కిన్ దర్శకత్వంలో రూపొంద‌నున్న తుప్ప‌రివాల‌న్‌( తెలుగులో గూఢ‌చారి) అనే థ్రిల్ల‌ర్ చిత్రంలో న‌టించ‌బోతున్నాడు. రీసెంట్‌గా సినిమా లాంచనంగా ప్రారంభం అయ్యింది. ఈ సినిమాలో అక్ష‌ర హాస‌న్ విశాల్ స‌ర‌స‌న న‌టించ‌నుంది. ఈ విష‌యాన్ని విశాల్ త‌న ట్విట్ట‌ర్ అకౌంట్ ద్వారా తెలియ‌జేశాడు. రీసెంట్‌గా అక్ష‌ర ఫోటో షూట్ పూర్త‌య్యింద‌ట. అక్ష‌ర హాస‌న్ కూడా విశాల్ తో న‌టించ‌డానికి ఎంతో ఆస‌క్తిగా ఎదురుచూస్తున్నాను.
యూనివ‌ర్స‌ల్ స్టార్ క‌మ‌ల్‌హాస‌న్ రెండో త‌న‌య అక్ష‌ర హాస‌న్ ష‌మితాబ్ సినిమాతో బాలీవుడ్ రంగ ప్ర‌వేశం చేసింది. విశాల్ సినిమాతో ద‌క్షిణాది సినీ రంగంలోకి ప్ర‌వేశం చేస్తుంది. గ‌తంలో అక్ష‌ర హాస‌న్ అక్క‌య్య, హీరోయిన్ శృతిహాస‌న్ కూడా విశాల్‌తో పూజ చిత్రంలో న‌టించింది. ఇప్పుడు చెల్లెలు విశాల్‌తో జ‌త క‌ట్ట‌డంతో సినిమాకు ప్రాధాన్య‌త సంత‌రించుకుంది.