క‌మ‌ల్ నెక్స్ట్ ప్రాజెక్ట్?
- IndiaGlitz, [Saturday,September 12 2015]
క‌మ‌ల్‌హాస‌న్ ప్ర‌స్తుతం చీక‌ట‌రాజ్యం ప్రాజెక్ట్ లో బిజీగా ఉన్నారు. ఆయ‌న ద‌గ్గ‌ర ద‌ర్శ‌క‌త్వ‌శాఖ‌లో ప‌నిచేసిన రాజేష్.ఎం.సెల్వ ఈ సినిమాకు ద‌ర్శ‌క‌త్వం వ‌హిస్తున్నారు. రాజ్‌క‌మ‌ల్ ఇంట‌ర్నేష‌న‌ల్ ప‌తాకంపై ఈ సినిమా రూపొందుతోంది. ఈ సినిమా త‌ర్వాత క‌మ‌ల్ ఏ సినిమాలో న‌టిస్తార‌నే అంశంపై కోలీవుడ్‌లో ఆస‌క్తిక‌ర‌మైన క‌థ‌నాలు వినిపిస్తున్నాయి.
ఇటీవ‌ల ద‌ర్శ‌కుడు మౌళి సిద్ధం చేసుకున్న క‌థ‌తో క‌మ‌ల్‌ను క‌లిశార‌ట. క‌మ‌ల్ కూడా మౌళి చెప్పిన స్క్రిప్టు బావుంద‌ని అన్నార‌ట. ఫ‌క్తు కామెడీ క‌థ అది. మౌళి 2002లో క‌మ‌ల్‌తో ప‌మ్మ‌ల్‌.కె.సంబంధం సినిమాను తెర‌కెక్కించారు. తాజాగా కూడా మౌళి ద‌ర్శ‌క‌త్వం చేస్తారా? అనే సందేహం జ‌నాల్లో మొద‌లైంది. అయితే స‌న్నిహిత వ‌ర్గాల స‌మాచారం మేర‌కు మౌళి చెప్పిన ఆ క‌థ‌ను డైర‌క్ట్ చేసే అవ‌కాశాన్ని కూడా క‌మ‌ల్‌హాస‌న్ ఇప్పుడు రాజేష్‌కే అప్ప‌జెప్పార‌ట. అంటే అటు సంగీత ద‌ర్శ‌కుడు జిబ్రాన్‌తో వ‌రుస సినిమాలు చేస్తున్న‌ట్టు ద‌ర్శ‌కుడు రాజేష్ తోనూ వ‌రుస సినిమాలు చేయ‌డానికి క‌మ‌ల్ రెడీ అయ్యార‌న్న‌మాట.