கமல் - எச் வினோத் படத்தில் இந்த இரண்டு பிரபலங்களா? பரபரப்பு தகவல்..!
- IndiaGlitz, [Friday,June 30 2023]
உலகநாயகன் கமல்ஹாசன் தற்போது ஷங்கர் இயக்கத்தில் உருவாகியுள்ள ’இந்தியன் 2’ என்ற படத்தில் நடித்து முடித்துள்ள நிலையில் அடுத்ததாக அவர் ’புராஜெக்ட் கே’ என்ற படத்தில் வில்லனாக நடிக்க உள்ளார்.
மேலும் இயக்குனர் எச். வினோத் இயக்கத்தில் ஒரு திரைப்படத்தில் நடிக்க உள்ளதாகவும் சமீபத்தில் அறிவிக்கப்பட்டது. இந்த நிலையில் கமல் - எச் வினோத் படம் குறித்த தகவல்கள் அவ்வப்போது கசிந்து வரும் நிலையில் இந்த படத்தில் விஜய் சேதுபதி முக்கிய கேரக்டரில் நடிக்க உள்ளதாக கூறப்படுகிறது.
‘விக்ரம்’ படத்தில் கமல் நாயகனாகவும் விஜய் சேதுபதி வில்லனாகவும் நடித்த நிலையில் தற்போது இந்த படத்தில் இருவரும் நண்பர்களாக நடிக்க இருப்பதாக கூறப்படுகிறது.
மேலும் இந்த திரைப்படத்தில் யோகி பாபு முக்கிய கேரக்டரில் நடிக்க இருப்பதாக தெரிகிறது. விஜய் சேதுபதி மற்றும் யோகி பாபு இந்த படத்தில் இணைவது குறித்த அறிவிப்பு அதிகாரபூர்வமாக விரைவில் வெளியாகும் என்று எதிர்பார்க்கப்படுகிறது.
ஜூலை மாதம் இந்த படத்தின் படப்பிடிப்பு தொடங்கும் என்றும் அதே சமயத்தில் ’புராஜெக்ட் கே’ படத்திலும் கமலஹாசன் அவ்வப்போது நடிப்பார் என்றும் கூறப்படுகிறது.